Kuala Lumpur
kapitolio ti Malaysia / From Wikipedia, the free encyclopedia
Ti Kuala Lumpur (Panangibalikas a Malayo: [ˈkwalə ˈlumpʊr])[5] ket ti nailian a kapitolio ken ti kaaduan ti populasion a global a siudad ti Malaysia.[6] Ti siudad ket sakupenna ti kalawa iti 243 km2 (94 sq mi) ken addaan iti nakarkulo a populasion iti 1.6 a riwriw manipud idi 2010.[6] Ti Kalatakan a Kuala Lumpur, ket mangsakop iti kapada a kalawa a kas ti Ginget Klang, ti maysa nga urbano nga aglomerasion iti 7.564 a riwriw tattao manipud idi 2018.[7] Daytoy ket maysa kadagiti kapardasan a dumadakkel a metropolitano a rehion idiay Abagatan a Daya nga Asia, kadagiti termino iti populasion ken ekonomia.
Kuala Lumpur | |
---|---|
Pederal a teritorio ken kapitolio a siudad | |
Pederal a Teritorio ti Kuala Lumpur Wilayah Persekutuan Kuala Lumpur | |
Dagiti transkripsion a sabali | |
• Jawi | كوالا لومڤور |
• Insik | 吉隆坡 |
• Tamil | கோலாலம்பூர் |
Parbo a nagan: KL, Siudad ti Hardin dagiti Silaw | |
Pasasao: Maju dan Makmur (Ilokano: Progreso ken Prosperidad) | |
Lokasion idiay Malaysia Peninsular ken idiay Malaysia Ipakita ti mapa ti Malaysia Peninsular | |
Nagsasabtan: 3°8′N 101°41′E | |
Pagilian | Malaysia |
Pederal a terteritorio | Kuala Lumpur |
Administratibo a luglugar | Listaan
|
Pannakabangon | 1859[1] |
Naikkan iti kasasaad a siudad | 1 Pebrero 1972 |
Naikkan iti Pederal a Teritorio | 1 Pebrero 1974 |
Gobierno | |
• Mayor (Datuk Bandar) | Mahadi bin Che Ngah |
Kalawa | |
• Pederal a teritorio ken kapitolio a siudad | 243 km2 (94 sq mi) |
• Metro | 2,243.27 km2 (866.13 sq mi) |
Kangato | 56 m (184 ft) |
Populasion (2018)[3] | |
• Pederal a teritorio ken kapitolio a siudad | 1,790,000 |
• Ranggo | Umuna |
• Densidad | 7,366/km2 (19,080/sq mi) |
• Metro | 7,564,000[4] |
• Densidad (metro) | 2,708/km2 (7,010/sq mi) |
• Demonimo | Taga-Kuala Lumpur |
HDI | |
• HDI (2010) | 0.795 (nangato) (Maika-2) |
Sona ti oras | UTC+8 (MST) |
• Kalgaw (DST) | UTC+8 (saan a mapalpaliiw) |
Kodigo ti koreo | 50000 to 60000 |
Natimbeng nga oras ti solar | UTC + 06:46:48 |
Kodigo ti lugar | 03 |
Rehistrasion ti karro | W (para kadagiti amin a lugan malaksid dagiti taksi) HW (para laeng dagiti taksi) |
ISO 3166-2 | MY-14 |
Website | www |
Ti Kuala Lumpur ket sentro ti kultura, pinansia ken ekonomia ti Malaysia. Daytoy ket ayan pay ti Parlamento ti Malaysia ken ti opisial a pagtaengan ti Yang di-Pertuan Agong, ti Istana Negara. Immuna daytoy a napadur-as a kas maysa nga ili nga agserbi kadagiti mina ti lata iti rehion idi circa 1857, sakbay a nagbalin daytoy a ti kapitolio ti Selangor idi 1880 aginggana idi 1978, ken ti kapitolio ti Malaya bsakbay ti pannakabukel ti Malaysia. Nagtultuloy ti siudad a tugaw dagiti sanga ti ehekutibo ken hustisia ti pederal a gobierno aginggana idi naiyalis dagitoy iti Putrajaya iidi nasapa a 1999.[8] Nupay kasta, adda met dagiti seksion dagiti bagi ti politika nga agdama a nabati iti Kuala Lumpur.
Ti Kuala Lumpur ket maysa kadagiti tallo a pederal a terteritorio ti Malaysia,[9] enclaved iti kaunegan ti estado ti Selangor, iti tengnga a laud nga aplaya ti Malaysia Peninsular.[10] Manipud kadagiti tawen idi 1990, nagpapel a nangsangaili ti siudad kadagiti adu a pasamak ti isport, politika ken kultura a mairaman ti 1998 Commonwealth Games ken ti 2017 Southeast Asian Games. Napardasen a napadur-as ti Kuala Lumpur kadagiti kaudian a dekada ken ayan dagiti tallo a singin a pasdek iti lubong, ti Petronas Towers, ken nagbalinen daytoy a simbolo ti panagdur-as ti Malaysia.