Garðabær
sveitarfélag á höfuðborgarsvæði Íslands / From Wikipedia, the free encyclopedia
Garðabær er sveitarfélag á höfuðborgarsvæðinu á milli Kópavogs og Hafnarfjarðar. Íbúar eru tæplega 19.000 (mars 2023).
Garðabær | |
---|---|
Hnit: 64°05′18″N 21°55′11″V | |
Land | Ísland |
Kjördæmi | Suðvesturkjördæmi |
Þéttbýliskjarnar |
|
Stjórnarfar | |
• Bæjarstjóri | Almar Guðmundsson D |
Flatarmál | |
• Samtals | 46 km2 |
• Sæti | 60. sæti |
Mannfjöldi (2024) | |
• Samtals | 19.088 |
• Sæti | 6. sæti |
• Þéttleiki | 414,96/km2 |
Póstnúmer | 210, 212 |
Sveitarfélagsnúmer | 1300 |
Vefsíða | gardabaer |
Garðahreppur varð til árið 1878, ásamt Bessastaðahreppi, þegar Álftaneshreppi var skipt í tvo hluta. Var hann kenndur við kirkjustaðinn Garða á Álftanesi. Hafnarfjörður var innan hreppsins fyrstu þrjá áratugina, en var skilinn frá honum þegar hann fékk kaupstaðarréttindi 1. júní 1908. Sjálfur fékk Garðahreppur kaupstaðarréttindi 1. janúar 1976 og nefndist eftir það Garðabær.
Samhliða þjóðaratkvæðagreiðslu um tillögur stjórnlagaráðs þann 20. október 2012, fór fram íbúakosning í Garðabæ og sveitarfélaginu Álftanesi og var sameining þeirra í eitt sveitarfélag samþykkt. Hið nýja sveitarfélag heitir Garðabær. Sameiningin tók gildi um áramótin 2012/2013.[1][2]