Laos
ríki í Suðaustur-Asíu / From Wikipedia, the free encyclopedia
Laos (formlegt nafn: Alþýðulýðveldið Laos, á laosku: Sathalanalat Paxathipatai Paxaxon Lao, bókstaflega „Alþýðulýðveldi Lao fólksins“) er land í Suðausturasíu. Landið hefur hvergi aðgang að hafi. Í norðvestur á landið landamæri að Myanmar (Burma), í norður að Kína, í austur að Víetnam, í suður að Kambódíu og í vestur að Taílandi. Saga landsins er rakin aftur til konungsríkisins Lan Xang eða Miljón fíla landið sem var við lýði frá fjórtándu fram að átjándu öld. Laos var frönsk nýlenda í rúmlega hálfa öld en fékk sjálfstæði 1949. Þá tók við borgarastyrjöld sem stóð fram til 1975 þegar hreyfing kommúnista, Pathet Lao, náði völdum í landinu. Árið 1986 var landið opnað fyrir einkaframtaki og erlendum fjárfestingum. Laos er þó enn talið til þeirra landa sem búa við minnst efnahagslegt og pólitískt frelsi .[1] Þrátt fyrir þetta hefur hagvöxtur verið gríðarmikill síðustu árin og jókst um 7.2% árið 2006,[2] Landbúnaður er aðalatvinnugrein og starfa um 80% landsmanna við sjálfsþurftarbúskap.[3] Íbúar landsins skiptast upp í fjölmörg þjóðarbrot, en um það bil 70% tilheyra Lao-fólkinu.[4]
Alþýðulýðveldið Laos | |
ສາທາລະນະລັດ ປະຊາທິປະໄຕ ປະຊາຊົນລາວ Sathalanalat Paxathipatai Paxaxon Lao | |
Fáni | Skjaldarmerki |
Kjörorð: ສັນຕິພາບ ເອກະລາດ ປຊາທິປະໄຕ ເອກະພາບ ວັດທະນາຖາວອນ (laoska) Friður, sjálfstæði, lýðræði, eining og hagsæld | |
Þjóðsöngur: Pheng Xat Lao | |
Höfuðborg | Vientiane |
Opinbert tungumál | Laoska |
Stjórnarfar | Flokksræði |
Forseti | Thongloun Sisoulith (ທອງລຸນ ສີສຸລິດ) |
Forsætisráðherra | Phankham Viphavanh (ພັນຄຳ ວິພາວັນ) |
Sjálfstæði | |
• frá Frakklandi | 19. júlí 1949 |
Flatarmál • Samtals • Vatn (%) |
82. sæti 237.955 km² 2 |
Mannfjöldi • Samtals (2019) • Þéttleiki byggðar |
105. sæti 7.123.205 26,7/km² |
VLF (KMJ) | áætl. 2019 |
• Samtals | 58,329 millj. dala (107. sæti) |
• Á mann | 8.458 dalir (119. sæti) |
VÞL (2019) | 0.613 (137. sæti) |
Gjaldmiðill | Kip (LAK) |
Tímabelti | UTC+7 |
Þjóðarlén | .la |
Landsnúmer | +856 |