Grand Ribaud F (naufragium)
From Wikipedia, the free encyclopedia
Grand Ribaud F est naufragium prope insulam Grand Ribaud catenae Stoechadum praefecturae hodiernae Vari repertum. Navis anno circiter 490 a.C.n. submersa amphoras Etruscas circiter 500 continuit. Vestigia navis altitudine 59/61 metrorum sub maris aequore iacentia, iam anno 1999 suspecta, ab anno 2000 explorabatur. Ea vestigia quae recuperari potuerunt in Museo Historico Massiliensi servantur. Ex hoc naufragio multa de commercio vini Etruscorum, Ligurum, Graecorum intelleguntur.