Pointe-Lequin 1 (naufragia)
From Wikipedia, the free encyclopedia
Pointe-Lequin 1A et Pointe-Lequin 1B sunt naufragia prope insulam Proten catenae Stoechadum praefecturae hodiernae Vari reperta. Navis anterior anno circiter 515 a.C.n. submersa amphoras Graecas et vasa tam Ionica quam Attica continuit. Navis altera anno fere 475 a.C.n. submersa amphoras Massiliotas continuit. Vestigia altitudine 6/15 metrorum sub maris aequore iacentia ab anno 1985 explorata sunt. Ea vestigia quae recuperari potuerunt in Museo Historico Massiliensi servantur. Ex hoc naufragio multa de commercio vini Etruscorum, Ligurum, Graecorum intelleguntur.