Vader
From Wikipedia, the free encyclopedia
Vader (се чита: Вејдер) — полска дет метал музичка група основана 1983 година во Олштин. Групата била основана од басистот Пјотр Вивчарек и гитаристот Збигнев Вроболевски. Vader смениле неколку постави од нивното основање, а од 2011 во бендот членуваат Вивчарек како гитарист и фронтмен, Марек Пајак како втор гитарист, басистот Томаш Халицки, и британскиот тапанар Џејмс Стјуарт.
Vader | |
---|---|
Vader настапуваат во Росток (2011) | |
Животописни податоци | |
Потекло | Олштин, Полска |
Жанрови | Дет метал |
Период на активност | 1983–сѐ уште |
Издавачи | Mystic, Metal Mind, Earache, Impact, Hammerheart, Metal Blade, Regain, Nuclear Blast |
Соработници | Behemoth, Sweet Noise, Decapitated, Dies Irae, Vesania |
Мреж. место | www.vader.pl |
Членови | |
Пјотр Вивчарек Марек Пајак Џејмс Стјуарт Томаш Халицки |
Иако почнале како хеви метал музичка група, Vader експериментирале со треш и спид метал, за при крајот на 1980-тите да станат дет метал состав. Името на групата било инспирирано од ликот Дарт Вејдер од филмската серија Војна на ѕвездите.[1] Текстовите на групата обработуваат теми од писателот Хауард Филипс Лавкрафт, Втората светска војна, хорор филмови, и анти-религиски пораки. Според музичкото списание Билборд, Vader до 2002 година имаат продадено околу 500,000 албуми во светски рамки.[2]