ഇന്ത്യയുടെ ഭരണഘടന
ഇന്ത്യയിലെ പരമോന്നത നിയമം / From Wikipedia, the free encyclopedia
ഇന്ത്യയിലെ പരമോന്നത നിയമമാണ് ഇന്ത്യയുടെ ഭരണഘടന (English: Constitution of India). രാജ്യത്തെ അടിസ്ഥാന രാഷ്ട്രീയ തത്ത്വങ്ങളുടെ നിർവ്വചനം, ഗവൺമെന്റ് സംവിധാനത്തിന്റെ ഘടന, അധികാരങ്ങൾ, നടപടിക്രമങ്ങൾ, കർത്തവ്യങ്ങൾ, പൗരന്റെ മൗലികാവകാശങ്ങൾ, കടമകൾ, രാഷ്ട്രഭരണത്തിനായുള്ള നിർദേശകതത്ത്വങ്ങൾ മുതലായവ ഭരണഘടന മുന്നോട്ടുവയ്ക്കുന്നു. പരമാധികാര രാഷ്ട്രങ്ങളിലെ ലിഖിത ഭരണഘടനകളിൽ വെച്ച് ഏറ്റവും വലുതാണ് ഇന്ത്യയുടെ ഭരണഘടന.[4] 25 ഭാഗങ്ങളും 395 അനുഛേദങ്ങളും 12 പട്ടികകളുമാണ് ഇന്ത്യൻ ഭരണഘടനയ്ക്കുള്ളത്.(അനുഛേദങ്ങൾ ആകെ ഇതുവരെ യഥാർത്ഥത്തിൽ 470)
വസ്തുതകൾ ഇന്ത്യൻഭരണഘടന, Original title ...
ഇന്ത്യൻഭരണഘടന | |
---|---|
Original title | Constitution of India भारतीय संविधान (IAST: Bhāratīya Saṃvidhāna) |
അധികാരപരിധി | India |
അംഗീകരിച്ചത് | 26 നവംബർ 1949; 74 വർഷങ്ങൾക്ക് മുമ്പ് (1949-11-26) |
നിലവിൽ വന്നത് | 26 ജനുവരി 1950; 74 വർഷങ്ങൾക്ക് മുമ്പ് (1950-01-26) |
സമ്പ്രദായം | പരമാധികാര-സ്ഥിതിസമത്വ-മതനിരപേക്ഷ-ജനാധിപത്യ-റിപ്പബ്ലിക്ക് |
ശാഖകൾ | മൂന്ന് (കാര്യനിർവ്വഹണം, നിയമനിർമ്മാണം, നീതിന്യായം) |
രാഷ്ട്രത്തലവൻ | ഇന്ത്യയുടെ രാഷ്ട്രപതി |
നിയമനിർമ്മാണസഭകൾ | രണ്ട് (രാജ്യസഭയും ലോക്സഭയും) |
കാര്യനിർവ്വഹണം | പ്രധാനമന്ത്രി നയിക്കുന്ന മന്ത്രിസഭ (ലോക്സഭയോട് ഉത്തരവാദിത്ത്വം) |
നീതിന്യായം | സുപ്രീം കോടതി, ഹൈക്കോടതികൾ, ജില്ലാ കോടതികൾ |
അധികാരവിഭജനം | ഫെഡറൽ[1] |
ഇലക്ടറൽ കോളേജ് | ഉണ്ട് (രാഷ്ട്രപതിയെയും ഉപരാഷ്ട്രപതിയെയും തിരഞ്ഞെടുക്കുവാൻ) |
Entrenchments | 2 |
ഭേദഗതികൾ | 104 |
അവസാനം ഭേദഗതി ചെയ്തത് | 25 ജനുവരി 2020 (104th) |
സ്ഥാനം | പാർലമെന്റ് മന്ദിരം, ന്യൂ ഡൽഹി, ഇന്ത്യ |
രചയിതാവ്(ക്കൾ) |
|
ഒപ്പിട്ടവർ | 284 (ഭരണഘടന നിർമ്മാണസഭയിലെ അംഗങ്ങൾ) |
അസാധുവാക്കപ്പെട്ടത് | ഗവൺമെൻറ് ഓഫ് ഇന്ത്യ ആക്ട്, 1935 ഇന്ത്യൻ ഇൻഡിപെൻഡൻസ് ആക്ട്, 1947 |
അടയ്ക്കുക
1949 നവംബർ 26-നാണ് ഭരണഘടനാ നിർമ്മാണസഭ ഇന്ത്യയുടെ ഭരണഘടന അംഗീകരിച്ചത്. 1950 ജനുവരി 26 ന് അത് പ്രാബല്യത്തിൽ വന്നു.[5]