रणबीर कपूर
From Wikipedia, the free encyclopedia
रणबीर कपूर (२८ सप्टेंबर १९८२) हिंदी चित्रपटसुष्ट्रीतील नव्या पिढीचा कलाकार म्हणून ओळखला जातो. रणबीर कपूर हा ऋषी कपूर व नीतू सिंग यांचा पुत्र आहे. २८ सप्टेंबर, इ.स. १९८२ रोजी जन्मलेल्या रणबीरचे शिक्षण माहीमच्या बॉम्बे स्कॉटिश स्कूलमध्ये झाले. त्यानंतर त्याने उच्च शिक्षणासाठी अमेरिका गाठले आणि न्यू यॉर्कच्या 'लि स्ट्रॅसबर्ग थिएटर अँड फिल्म इन्स्टिट्यूट'मध्ये अभिनयाचे धडे गिरवले. इ.स. २००७ मध्ये संजय लीला भन्साळी यांच्या 'सॉंवरीया' चित्रपटात सर्वप्रथम भूमिका केली. या चित्रपटातील त्याच्या अभिनयाची तारीफही झाली आणि त्याला पदार्पणाचा फिल्मफेर पुरस्कार मिळाला. इ.स. २००९ च्या 'वेक अप सिड' आणि 'अजब प्रेम की गजब कहाणी' या चित्रपटांसाठी त्याने समीक्षकांचा सर्वोत्तम अभिनयासाठीचा फिल्मफेअर पुरस्कार पटकावला. २०१६ सालचा ऐ दिल है मुश्किल हा त्याचा चित्रपट देखील प्रचंड यशस्वी झाला.