Gato
From Wikipedia, the free encyclopedia
Modelo:Anfo/Taxonomie L gato (Felis silvestris catus), tamien coincido cumo gato caseiro, gato ourbano ó gato doméstico, ye un animal de la Família de ls felídeos, mui popular cumo animal de stimaçon. Acupando l topo de la cadeia alimentar, ye un predador natural de dibersos animales, cumo roedores, páixaros, lagartixas i alguns ansetos.
La purmeira associaçon culs houmanos de la qual se ten ambora acunteciu hai cerca de 9.500 anhos, mas la domesticaçon dessa spece ouriunda de l cuntinente africano[1][2] ye mui mais antiga. Sou mais primitibo ancestral coincido ye l Miacis, mamífero que bibeu hai cerca de 40 milhones d'anhos, ne l final de l período Paleoceno, i que possuía l'hábito de caminar subre ls galhos de las arbles. L'eiboluçon de l gato dou ourige al Dinitis, spece que yá apersentaba la maior parte de las caratelísticas persentes ne ls felinos atuales [3] sendo tamien l'antepassado de linces, jaguatiricas, grandes felinos cumo tigres, pumas, liones, onças, leopardos i l zaparecido tigre-diente-de-sabre. La sub-família Felinae, qu'agrupa ls gatos domésticos, surgiu hai cerca de 12 milhones d'anhos, spandindo-se a partir de la África susaariana até alcançar las tierras de l'atual Eigito.[4]
Eisisten cerca de 250 raças de gato-doméstico, cujo peso bariable classefica la spece cumo animal doméstico de pequeinho la médio porte. Assi cumo perros cun estas dimensones, bibe antre quinze i binte anhos. De personalidade andependiente, tornou-se un animal de cumpanha an dibersos lares al redror de l mundo, para pessonas de ls mais bariados stilos de bida. Na cultura houmana, figura de la mitologie a las superstiçones, passando por personaiges de zeinhos animados, tiras de jornales, filmes i cuntos de fadas. Antre sues mais coincidas repersentaçones, stan ls gatos: Ton, Frajola, Gato Félix, L Gato de Botas i Garfield.
Modelo:TOC-lemitado