Wolfgang Amadeus Mozart
From Wikipedia, the free encyclopedia
Wolfgang Amadeus Mozart (AFA: [ˈbɔlfgaŋ amaˈdius ˈmoːtsart], nome cumpleto: Johann Chrysoston Wolfgang Amadeus Mozart;[1] 27 de Janeiro de 1756 – 5 de Dezembre de 1791),[2] fui un cumpositor prolífico i anfluente de l período clássico, outor de mais de 600 obras - muitas tenidas cumo refréncias de la música sinfónica, cuncertante, ouperática, coral, pianística i de cámara - i un de ls cumpositores de música clássica mais populares de todos ls tiempos.
Wolfgang Amadeus Mozart | |
---|---|
Nome cumpleto | Johann Chrysoston Wolfgang Amadeus Mozart |
Nacimiento | 27 de janeiro de 1756 Salzburgo, Modelo:AUT |
Muorte | 5 de dezembre de 1791 (35 anhos) Biena, Áustria |
Acupaçon | Cumpositor, pianista, biolenista |
Carreira musical | |
Período musical | Classicismo |
Mozart mostrou ua halbelidade pordegiosa zde sue anfáncia an Salzburgo. Yá cumpetente ne ls strumientos de botoneira i ne l biolino, ampeçou a cumponer als cinco anhos d'eidade, i passou a se apersentar pa la rialeza de la Ouropa; als zassiete anhos fui cuntratado cumo musiqueiro de la corte an Salzburgo, mas sue anquietaçon l fizo biajar an busca dun nuobo cargo, siempre cumpondo profusibamente. Al besitar Biena an 1781 fui afastado de sou cargo an Salzburgo, i outou por quedar na capital, adonde, al lhongo de l resto de sue bida, cunquistou fama, mas pouca stablidade financeira. Sous redadeiros anhos na cidade porduzírun alguas de sues sinfonies, cuncertos i óperas mais coincidas, para alhá de sou Requiem. Las circunstáncias de sue muorte prematura fúrun assunto de dibersas stórias i lhendas; deixou ua mulhier, Custanze, i dous filhos.
Mozart siempre daprendiu borazmente cun outros cumpositores, i zambolbiu ua maturidade i brilho caratelísticos an sou stilo, que barian de l claro i gracioso al ouscuro i apeixonado - un cunjunto moldado por ua bison de l'houmanidade "redemida atrabeç de l'arte, perdonada i recunceliada cula natureza i cul abseluto".[3] Sue anfluéncia an toda la música oucidental ye perfunda. Ludwig van Beethoven cumpuso sues purmeiras obras seguindo ls passos de Mozart, subre quien Joseph Haydn screbiu que "la posteridade nun berá un talento cumo esse an 100 anhos".[4]