Bermudatriangelet
From Wikipedia, the free encyclopedia
Bermuda-triangelet er kallenamn på eit triangelforma område på ca. 2,5 millionar km² vest i det nordlege Atlanterhavet, Sargassohavet, nord for Karibia mellom Bermuda, Puerto Rico og sørspissen av Florida. Havområdet vart etter ei bok i 1974 feilaktig berykta for uvanleg mange uforklarlege skipsforlis, flystyrtar og forsvinningar, noko som har fått folk til å utvikla ulike teoriar om naturlege og overnaturlege årsaker til ulukkene. 50 skip og 20 fly skal ha «forsvunne sporlaust» dei siste hundre åra.[1] Førestillingar og fantasiar om Bermuda-triangelet har sidan vore vanlege i vestleg populærkultur.