Basques
From Wikipedia, the free encyclopedia
Los basques (var. bascos, bascs) constituisson una populacion autoctòna de lenga preindoeuropèa, demòran subretot en Bascoat. Una fòrta migracion istorica realizèt la dispersion basca, subretot cap a l'America del Sud. Lor fixacion dins aquela partida d'Euròpa dempuèi la preïstoria mena a los classificar al reng d’aujòls.
Basques | |
Tipe | pòble europèu |
---|---|
Populacion totala | Al País Basc: 2.589.000 Alaba: 313.000 Biscaia: 1.160.000 Bassa Navarra: 40.000 Guipuscoa: 684.000 Lapurdi: 225.000 Navarra: 560.000 Zuberoa: 20.000 |
Lenga | basc, espanhòl e francés |
Religion | catolicisme |
Grops connèxes | Aragoneses, Catalans, Occitans |
Geografia | |
Estat | Espanha e França |
Los Basques d'espereles se nomenan Euskaldunak quand « possidisson »[1] lo basc o Euskotarrak quand se definisson coma etnicament bascs, parlan erdara (autras lengas) amb o sens lo basc.
De caracteristicas antropologicas e biologicas son a l’origina de lor singularitat, coma la lenga, compausanta incontornabla e indissociabla, la genetica[2], una pro fòrta endogamia, lo partatge de tradicions, de la religion e del folcòre, un camp de comunicacion e d'interaccion, l'auto identificacion e tanben una concentracion territoriala e fòrça autres trachs culturals[3], malgrat se lor istòria es mai o mens comuna.
Pasmens, quitament se lo biais de vida paréis a aquel qu'existís en Euròpa, los Bascs son politicament divisats entre los moderats, defendeires de la cultura basca mas favorables al projècte europèu, e los radicals que presican l'independéncia de l’Euskal Herria[4].