Burj Khalifa
From Wikipedia, the free encyclopedia
'U Burj Khalifa (jndr'ô arabe: برج خليفة, Burǧ Ḫalīfa, "Torre Khalifa"), precedentemende canosciute cu 'u nome de Burj Dubai, jè 'nu grattacièle de Dubai, jndre le Emirati Arabe Aunite (UAE). Jè 'a cchiù ìrte strutture maje realizzate da l'omme cu 'nu segnefecative margine de vandagge parlanne 'n termine de altezze respette a qualsiase otre edifice.
Burj Khalifa | |
---|---|
Edifice cchiù ìrte d'u munne | |
Periode | da 'u 2008 |
Precedende | Taipei 101 |
Ubicazione | |
Naziune | Emirate Arabe Aunìte |
Cetate | Dubai |
Coordinate | 25°11′50″N 55°16′26.6″E25°11′50″N, 55°16′26.6″E |
La mappa richiesta non esiste | |
'Nformazione | |
State | Completato |
Pose de le funnazione | 21 settèmmre 2004 |
Aperture | 4 scennare 2010 |
Altezze | |
Andenne o guglie | 828 m |
Tette | 636 m |
Urteme piane | (stime) 636 m |
Dettaglie tecneche | |
Numere piane | 160 esterne, 2 sotterranee |
Aree calpestabbele | 344000 m2 |
Combagnie | |
Architette | Skidmore, Owings and Merrill |
Costruttore | Emaar |
'U soje quagghiamende jè iniziate 'u 21 settèmmre 2004, 'a strutture esterne jè state combletate 'u 1º ottommre 2009 e jè state ufficialmende apirte a 'u pubbleche 'u 4 scennare 2010.[1][2]
L'edificie fàce parte de 'na aree de 2 km² (490 acre) 'n curse de quagghiamende chiamate Downtown Burj Khalifa ca se iacchie jndr'à "prime uscite" luènghe 'a vie Shaykh Zayed, vicine a 'u distrette finanziarie prengepale de Dubai. 'U studie de architetture artefice d'a torre jè Skidmore, Owings and Merrill, LLP de Chicago. 'U proprietarie d'u Burj Khalifa jè l'Emaar Properties; 'u prengepale costruttore jè 'na joint-venture 'mbrà 'a sudcoreane Samsung C&T, ca hagghie quagghiate 'u Taipei 101 e le Petronas Towers, 'u gruppe belghe Besix e l'Arabtec, cou sede jndre le Emirate Arabe Aunite. 'A Turner Construction Company jè state scelte cumme responsabbele ad 'a gestione d'u quagghiamende.
'U budget totale pè 'a torre ammonde a 1,5 migliarde de dollare, cifre ca sale a 20 mgiliarde de dollare pè le 'ndere nuève comblesse circostande. Mohamed Ali Alabbar, 'u CEO de Emaar Properties, hagghie pubblecamende dichiarate ca 'u prizze pè le uffice a 'u Burj Khalifa hagghie raggiunde le 43.000 dollare/m² e ca le Armani Residences sonde state vennute pè cirche 37.500 dollare/m².
'U Burj Khalifa jè 'u cindre de 'nu vaste comblesse ca se iacchie jndr'ô cindre de Dubai, costituite, 'mbrà le otre, 'u 2° alberghe cchiù ìrte d'u munne,[3] 'u Burj al-Arab, 'a cchiù granna marine artificiale d'u munne, 'a Dubai Marina, le cchiù granne isole artificiale, le Palm Islands e le World Islands, 'u Dubai Waterfront e 'u cchiù granne cendre commerciale d'u munne, 'u Dubai Mall.
Già da 'u 5 febbrare 2008 'u Burj Khalifa hagghie raggiunde 'na quote de 508,9 metre sorpassanne accussì l'edifice cchiù ìrte d'u munne, 'u Taipei 101. 'U grattacièle hagghie repurtate jndr'ô Vicine Oriende 'a cchiù ìrte strutture d'u munne, titole pigghiate cirche jndr'ô 1300, quanne 'a cattedrale de Lincoln, jndr'à Inghilterre supere 'a granne piramide de Giza jndr'ô Egitte.