Rio de le Amazzone
From Wikipedia, the free encyclopedia
'U Rio de le Amazzone (jndr'ô purtughese Rio Amazonas; jndr'ô spagnole Río Amazonas) jè 'nu jume de l'Americhe meridionale ca scorre attraversanne 'u Perú, 'a Colombie (pe' 'na piccele vanne) e 'u Brasile e spiccie jndr'â ll'oceane Atlandiche. 'U jume nàsce jndr'ô Nevado Mismi a 5600 metre sus a 'u levèlle d'u mare (Departemènde de Arequipa, Perú). A ll'inizie avène nnumenate Apurimac e cchiù a valle avène chiamate Ene. Da qquè accumenze ad avenè chiamate Rio Tambo. Quanne 'u Tambo se aunìsce a 'u Rio Urubamba, 'u jume avène chiamate Ucayali. Ad 'a confluenze de quiste urteme c'u Marañón 'u jume pigghie 'a denominazione de Rio de le Amazzone. D'a frondiere Colombie-Brasile 'u jume avène chiamate da le Brasiliane "Solimões" (p'u tratte fine ad 'a confluenze c'u Rio Negro). Nnande 'stù punde 'u jume avène chiamate pure da le Brasiliane "Rio Amazonas". Conzideranne 'a sorgende cchiù lundàne da'u mare, ce jè 'u Rio Apurimac, 'u Rio de le Amazzone jè 'u corse d'acque cchiù longhe d'u munne, 6937 chilometre. Jè 'u cchiù granne jume d'u munne pe' volume d'acque, numere de affluènde e bacine idrografeche (6.915.000 km2); baste penzà ca jndre jidde sfociane cchiù o mène 10.000 jume, de cui ben 18 tènene 'na longhezze cchiù granne de 1.000 km (quase doje vôte 'a longhezze d'u Po). 'U Rio de le Amazzone jè longhe quase 10 vôte 'u Po e cchiù o mène 5 vôte l'Itaglie.
Rio de le Amazzone | |
---|---|
State | Perù Colombia Brasile |
Longhezze | 6 937 km[1] |
Purtate medie | 175 000 m³/s[2] |
Bacine idrografeche | 6 150 000 km²[3] |
Nasce | Nevado Mismi |
Sfoce | Oceane Atlandiche |
'U corse d'u Rio de le Amazzone jndr'ô Brasile cange, a seconne de le staggione, 'mbase ad 'a quandetata variabbele de le precipitazzione jndr'ô corse cchiù ìrte d'u jume. Jndr'â lle periode de cchiù granna quandetata de acque jidde se pòte spannère jndr'â lle vosche 'nzeccate fine a 100 km de lundanànze. L'allagamènde de le vosche colpite ccrèje 'a Vàrzea, 'nu ecosisteme uneche a 'u munne. Jndr'â vanne d'a foce d'u Rio de le Amazzone se iacchije l'isole fluviomarine de Marajò. Ce se cunde quèste isole de granne dimenzione (49.000 km2) 'nzime a le jume ca sfociane a sud de quèste ('mbarticolare 'u Tocantins) l'estuarie d'u Rio de le Amazzone tène 'n'ambiezze de assaje cendinaje de chilometre. Attraverse da ovest a est 'na vanne sciugrafeche definite Bacine de l'Amazzonie.
Jndr'ô 1499, l'esploratore fiorendìne Amerigo Vespucci jè state 'u prime europee a navegà sus a 'u jume. Cchiù nnande, jndr'ô 1500, Vicente Yáñez Pinzón scacchie ccu chiame 'u jume Río Santa María de la Mar Dulce, cchiù nnande abbreviate jndre Mar Dulce (letteralmènde "dôce mare", de fatte "mare de acque dôce").