Mikelanxhelo
artist, arkitekt dhe poet italian (1475–1564) / From Wikipedia, the free encyclopedia
Mikelanxhelo (Michelangelo Buonarroti, Caprese, 6 mars 1475 – Romë, 18 shkurt 1564) ishte një skulptor, piktor, arkitekt dhe poet italian. Protagonist i Rilindjes italiane, i vlerësuar që në kohën e tij si një nga artistët më të mëdhenj të të gjitha kohërave[1].
Mikelanxhelo | |
---|---|
U lind në | Michelangelo di Lodovico Buonarroti Simoni 6 Mars 1475 |
Vdiq | 18 shkurt 1564 (mosha 88 vjeç) Romë, Shtetet Papale (Sot - Italy) |
Njohur për | Skulpturë, pikturë, arkitekturë dhe poezi |
Vepra të shquara |
|
Lëvizjet | Rilindja e Lartë |
Nënshkrimi | |
Qe në tërësi një artist sa gjenial po aq dhe i trazuar. Emri i tij është i lidhur me një sërë veprash që janë futur në historinë e artit, disa prej të cilave të njohura në gjithë botën si ndër më të rëndësishmet e artit perëndimor: Davidi, Pietà-ja vatikanase, Kupola e Shën Pjetrit si dhe cikli i afreskëve në Cappella Sistina konsiderohen maja të pakapërcyeshme të gjenisë krijuese.
Studimi i veprave të tij formoi gjeneratat pasuese, duke i dhënë jetë një shkolle që bëri art "alla sua maniera" (që do të thotë “sipas mënyrës së tij”) dhe që mori emrin manierizëm.