நியூ கினி
From Wikipedia, the free encyclopedia
நியூ கினி (New Guinea, பிசின மொழி: Niugini, டச்சு: Nieuw-Guinea) என்பது கிறீன்லாந்துக்கு அடுத்ததாக உலகின் இரண்டாவது பெரிய தீவாகும். இதன் நிலப்பரப்பு 786,000 கிமீ2. அமைதிப் பெருங்கடலின் தென்மேற்கே, மலாயு தீவுக்கூட்டத்தின் கிழக்கே அமைந்துள்ளது. புவியியல் ரீதியாக ஆஸ்திரேலியாவின் அதே கண்டத்தட்டிலேயே நியூ கினி தீவும் உள்ளது. இங்கு உலகின் எட்டு கொடுமுடிகளில் ஒன்றான 4,884 மீட்டர் உயரம் கொண்ட புன்சாக் ஜெயா மலை உள்ளது.
நியூ கினியின் அரசியல் பிரிவு | |
புவியியல் | |
---|---|
அமைவிடம் | ஆஸ்திரேலியாவுக்கு வடக்கே |
ஆள்கூறுகள் | 5°20′S 141°36′E |
உயர்ந்த புள்ளி | புன்சாக் ஜெயா |
நிர்வாகம் | |
இந்தோனேசியா | |
மாகாணங்கள் | பப்புவா மேற்கு பப்புவா |
பப்புவா நியூ கினி | |
மாகாணங்கள் | நடு சிம்பு கிழக்கு மலைநாடு கிழக்கு செப்பிக் எங்கா வளைகுடா மடாங் மொரோப் ஓரோ தெற்கு மலைநாடு மேற்கு மேற்கு மலைநாடு மேற்கு செப்பிக் மில்னி விரிகுடா தேசிய தலைநகர மாவட்டம் |
மக்கள் | |
மக்கள்தொகை | ~ 7.5 மில்லியன் (2005) |
தற்போது டொரெஸ் நீரிணையில் இருந்து கடைசிப் பனிக்காலத்தின் போது ஏற்பட்ட வெள்ளத்தினால் இது ஆஸ்திரேலியப் பெரும் பகுதியில் இருந்து பிரிந்தது.[1]. மானிடவியல் அணுகுமுறையில், நியூ கினி மெலனீசியாவின் ஒரு பகுதியாகக் கருதப்படுகிறது. அரசியல் ரீதியாக, இத்தீவின் மேற்குப் பகுதி இந்தோனேசியாவின் மேற்கு பாப்புவா மாகாணத்தைக் கொண்டுள்ளது. இத்தீவின் கிழக்குப் பகுதி பப்புவா நியூ கினி நாட்டின் பெரும்பாகத்தைக் கொண்டுள்ளது. நியூ கினித் தீவின் மொத்த மக்கள் தொகை 7.5 மில்லியன் (மக்கள்தொகை அடர்த்தி: 8 நபர்/கிமீ2).