గౌను
From Wikipedia, the free encyclopedia
గౌను అనునది బాలికలు లేదా స్త్రీలు వేసుకొనే ఒక వస్త్రము. ఇది గొంతు వద్ద నుండి తొడల/మోకాళ్ళ/పిక్కల/పాదాల వరకు ఆచ్ఛాదననిస్తుంది. ప్రస్తుతము మహిళలు వాడుతున్న నైట్ డ్రెస్ కూడా ఒక రకమైన గౌనే.
గౌను అన్న పదం మధ్యయుగపు లాటిన్ పదం gunna (గున్న) నుండి వచ్చింది. ఇది ఐరోపా ఖండంలో మధ్యయుగపు ప్రారంభం నుండి 17వ శతాబ్దం వరకు స్త్రీలు, పురుషులు ధరించిన వదులుగా ఉండి, మోకాలు నుండి పాదాల వరకు పొడవున్న వెలుపలి ఆచ్ఛాదన. కొన్ని వృత్తులలో ఈ తరహా వస్త్రధారణ నేటికీ కొనసాగుతున్నది. కానీ ఆ తర్వాత గౌను అన్న పదం కాళ్ళ వరకు పూర్తి పొడవుండి, bodiceతో పాటు అతికిన స్కర్టు ఉన్న ఏ ఆచ్ఛాదణకైనా వర్తించడం కొనసాగింది. 18వ శతాబ్దంలో పురుషులు బన్యన్ (దీనికి నేటి బనియన్తో పోలిక లేదు) అనే ఒక పొడవాటి, వదులైన గౌను, సాధారణ కోటులాగా ఉపయోగించేవారు.
నేడు విద్యావేత్తలు, న్యాయమూర్తులు, క్రైస్తవ ఫాదరీలు ధరించే గౌన్లు, మధ్యయుగాలలో ఆయా వృత్తుల వారు ధరించిన సామాన్య రోజువారీ వస్త్రాల నుండి రూపుదిద్దుకొన్నవే. 16వ, 17వ శతాబ్దం కల్లా ఇవి ఒక యూనిఫాం రూపంలో వ్యవస్థీకరించబడినవి.