హోమినినే
From Wikipedia, the free encyclopedia
హోమినినే, హోమినిడే కుటుంబం లోని ఉప కుటుంబం. దీన్ని " ఆఫ్రికా హోమినిడ్లు" లేదా " ఆఫ్రికా వాలిడులు" అని కూడా అంటారు. [1] [2] ఇందులో రెండు తెగలు, వాటిలో ప్రస్తుతం ఉనికిలో ఉన్న, అంతరించిపోయిన జాతులూ ఉన్నాయి: 1) హోమినిని తెగ (ఆధునిక మానవులు, అనేక అంతరించిపోయిన జాతులతో కూడిన హోమో ప్రజాతి; కనీసం రెండు అంతరించిపోయిన ప్రజాతులు ఉన్న ఆస్ట్రలోపిథెసినా ఉపతెగ; పాన్ అనే ప్రజాతి (ఇందులో సాధారణ చింపాంజీలు, బోనోబోలను ఉన్నాయి) కలిగిన పానినా అనే ఉపతెగ. 2) గొరిల్లిని తెగ (గొరిల్లాలు). పాన్ ప్రజాతి దాని స్వంత, మూడవ తెగ అయిన పానినికి చెందినట్లుగా కూడా పరిగణిస్తారు. గొప్ప వాలిడుల వంశరేఖ నుండి ఒరాంగుటాన్లు (పొంగినే ఉపకుటుంబం) విడిపోయిన తరువాత ఉద్భవించిన హోమినిడ్లన్నీ హోమినినే కుటుంబంలో భాగమే. హోమినినే క్లాడోగ్రామ్లో మూడు ప్రధాన శాఖలు ఉన్నాయి: ఇవి గోరిల్లిని తెగ ద్వారా గొరిల్లాలు, హోమినిని తెగ, దాన్నుండి హోమినినా ద్వారా (మానవులు), పానినా (చింపాంజీలు) ఉపతెగలు (క్రింది పరిణామ వృక్షాన్ని చూడండి). ఉనికిలో ఉన్న జాతులు -గొరిల్లినిలో రెండు , పానినాలో రెండు (చింపాంజీలు, బోనోబోస్), హోమినినాలో ఒకటి (మానవులు) ఉన్నాయి. హోమో ఫ్లోరేసియెన్సిస్, హోమో డెనిసోవాతో సహా కొన్ని ఊహాత్మక హోమో జాతుల జాడలు 40,000 సంవత్సరాల క్రితం నాటి ఇటీవలి కాలంలో కూడా కనుగొన్నారు. హోమినినే ఉపకుటుంబం లోని జీవులను హోమినైన్ అని, హోమినైన్లనీ పిలుస్తారు. (హోమినిన్, హోమినిన్లు, హోమినిని - ఈ మూడూ "హోమినిని"కి పర్యాయ పదాలు- అనేవి వేరే పదాలు. హోమినినేకు వీటికీ ఉన్న తేడాను గమనింపులో ఉంచుకోవాలి).
హోమినినే కాల విస్తరణ: 12.5–0 Ma PreꞒ
Ꞓ
O
S
D
C
P
T
J
K
Pg
N
| |
---|---|
ముగ్గురు హోమినైన్లు: ఒక మానవుడు - కుడి చేతిలో గొరిల్లా పిల్లను, ఎడమ చేతిలో చింపాంజీ పిల్లనూ పట్టుకుని. | |
శాస్త్రీయ వర్గీకరణ | |
Kingdom: | Animalia |
Phylum: | Chordata |
Class: | Mammalia |
Order: | Primates |
Suborder: | Haplorhini |
Infraorder: | Simiiformes |
Family: | Hominidae |
Subfamily: | Homininae Gray, 1825 |
Type species | |
Homo sapiens Linnaeus, 1758 | |
Tribe | |
†Dryopithecini |