1 ღურთუთა
From Wikipedia, the free encyclopedia
1 ღურთუთა (იანარი) რე გრიგორიანული კალენდარიშ მა-1-ა დღა. წანაშ ლიაშა დოსქილადირი რე 364 დღა (ნარკი წანეფს — 365 დღა).
<< | ღურთუთა | >> | ||||
თუთ | თახ | ჯუმ | ცაშ | ობი | შურ | ჟაშ |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | ||||
2024 |
შქა ოშწანურეფს, ქირსიანული რელიგიაშ გაულათ, ანდა ქიანას წანაშ დაჭყაფუ გინიღეს ართ-ართ შანულამ ქირსიანულ დღახუშა: 25 ქირსეთუთაშა (ქირსეშ ბადება), 1 მელახი, 25 მელახი (გჷმოცხადაფა), დო თანაფაშა ხოლო. მეხოლაფირო 988 წანაშე, ბჟაეიოლ ქირსიანულ ქიანეფქ, ნამდგაშ მახორობაშ უმენტაშობა თინმადიდებელი ოხვამეშ მედგაშის წჷმმარინუანდჷ, დიჭყჷ წანაშ ეკოროცხუა 1 ეკენიაშე.
ინგლისის, 1 ღურთუთას ეშანჷნდეს ახალი წანაშ ფესტივალით, მარა მავითოჟირა ოშწანურაშე 1725 წანაშახ, წანაშ დაჭყაფუთ იკოროცხუდუ 25 მელახი ნამუთ რდჷ ნანაშ დღა (ინგლისურო Lady Day). თაშ, მაგალთო, პარლამენტიშ პროტოკოლიშ ენნაჭარაშ მეჯინათ, ჩარლზ I-იშ დუდიშ კვათუაქ მოხვადჷ 1648 წანას, ნამუთ თინას შანენს ნამჷ-და ისტორიკოსი (ენოჭარუაშ ავტორი), წანაშ ოთებუთ მირჩქინანდჷ 24 მელახის; მარა ასეიანი ისტორიკოსეფი დუდიშ კვათუაშ წანათ მირჩქინანა 1649 წანას, თიშენ ნამჷ-და, თენეფი ეკოროცხუას იჭყანა 1 ღურთუთაშე.
ბჟადალ ევროპაშ ქიანეფიშ უმენტაშობაქ წანაშ ეკოროცხუა დიჭყჷ 1 ღურთუთაშ გრიგორიანული კალენდარიშ მეღებაშა. სამანგათ, შოტლანდიაქ გოთირუ წანაშ დაჭყაფუ 1 ღურთუთაშა 1600 წანაშე. ინგლისიქ, ირლანდიაქ დო ბრიტანეთიშ კოლონიეფქ გოთირეს ახალი წანაშ დაჭყაფუ 1 ღურთუთაშა 1752 წანაშე. მოგვიანაფათ, თიმ წანაშ ეკენიას, გრიგორიანული კალენდარქ მიშაღალირქ იჸუ ედომუშამ ბრიტანეთიშა დო ბრიტანეთიშ არძა კოლონიაშა. ათე ჟირი რეფორმაქ მიშაღალირქ იჸუ კალენდარიშ (ახალი სტილიშ) აქტით 1750 წანას.
1 ღურთუთაქ წანაშ ოფიციალური დაჭყაფუთ გინირთუ:
- 1522 წანას ვენეციაშ რესპუბლიკას;
- 1544 წანას წიმინდე რომიშ იმპერიას (გერმანია);
- 1556 წანას ესპანეთის, პორტუგალიას;
- 1559 წანას პრუსიას დო შვედეთის;
- 1564 წანას საფრანგეთის;
- 1567 წანას ნიდერლანდეფიშ ორუმეშის;
- 1583 წანას (ოორუე) ნიდერლანდეფიშ გოართოიანაფილი პროვინციეფი;
- 1600 შოტლანდიას;
- 1700 რუსეთის;
- 1752 დიდ ბრიტანეთის (შოტლანდიაშ გიშარკებულო) დო თიშ კოლონიეფს.