Seepunt
From Wikipedia, the free encyclopedia
Seepunt is een van Kaapstad se oudste voorstede en ook een van die digs bevolkte. Die voorstad lê tussen die Atlantiese Oseaan en Vlaeberg en word begrens deur Groenpunt in die noorde en Fresnaye in die suide.
Kitsfeite Seepunt Sea Point, Land ...
Seepunt Sea Point | |
---|---|
Voorstad | |
Uitsig oor Seepunt. | |
Koördinate: 33°54′55″S 18°23′33″O | |
Land | Suid-Afrika |
Provinsie | Wes-Kaap |
Metropolitaanse Munisipaliteit | Kaapstad |
Oppervlak | |
• Totaal | 1,58 km2 (0,61 vk. myl) |
Bevolking | |
• Totaal | 13 332[1] |
• Digtheid | 8 400/km2 (22 000/vk. myl) |
Tydsone | UTC+2 (SAST) |
Poskode | 8005 |
Skakelkodes | 021 |
Sluit
Seepunt is 'n kusvoorstad waar veelverdieping-woonstelblokke ontstaan het, en het tot 'n gewilde woonbuurt vir bewoners en beleggers ontwikkel. Voor die onlangse styging in eiendomspryse is Seepunt as 'n gevaarlike voorstad beskou, omdat enkele woonstelblokke deur hul eienaars verwaarloos is. Beleggers beskou egter Seepunt as 'n voorbeeld van stedelike herlewing en herstel. Baie woonstelle is deur buitelanders, soos Britse, Duitse en Nederlandse beleggers gekoop.