Bad Liabazell
From Wikipedia, the free encyclopedia
Bad Liabazell (amtlich Bad Liebenzell) isch a Schdäddle em Nagolddaal midd-ora laanga Gschiicht. Dor Hirsauer Codex låd vormuada, dass Bad Liabazell scho vår 1100 exischdird hådd. Em schbåda Middlaldor hådd´s Amt Liebenzell de Markgrafe vo Bade ghaerd. Em Jår 1604 isch´s durch Dausch zo Wirddabärg komma.
Wappa | Deitschlandkart | |
---|---|---|
| ||
Basisdata | ||
Dialekt: | Alemannisch | |
Hauptvariante: | Schwäbisch | |
Regionalvariante: | Nordschwarzwald | |
Bundesland: | Bade-Wirttebärg | |
Regierongsbezirk: | Karlsrua | |
Landkroes: | Calb | |
Heh: | 333 m i. NHN | |
Fläch: | 33,8 km² | |
Eiwohner: |
9795 (31. Dez. 2022)[1] | |
Bevelkerongsdicht: | 290 Eiwohner je km² | |
Boschtloetzahl: | 75378 | |
Vorwahlen: | 07052 07084 Maisenbach-Zainen | |
Kfz-Kennzoeche: | CW | |
Gmoedsschlissel: | 08 2 35 008 | |
Stadtgliderong: | 7 Ortsdoel | |
Adress vo dr Stadtverwaltong: |
Kurhausdamm 2-4 75378 Bad Liebezell | |
Webpräsenz: | www.bad-liebenzell.de | |
Schuldes: | Dietmar Fischer (CDU) | |
Lag vo de Stadt Bad Liebezell em Landkroes Calb | ||
Dialäkt: Schwäbisch |
Midd saenor Paracelsus-Therme isch Bad Liabazell oene vo de vier Gmaendena em Graes Calw midd-em Titl "Bad". Ausor Bad Liabazell send dees no Bad Härraalb, Bad Daenach ond Bad Wildbad. Deswäaga håesd sich der Graes Calw ao Bädorgraes. D Stauferburg ausem 13. Jårhondord isch s´ bedeidensde Bauwärg vo Bad Liabazell, mo må mor scho vo Weidem här siid. En Liabazell schwäddsd-mor schwäbisch, mid-ma ganz leichda sidfränggischa Aeschlag. Em Jår 2011 håd Liabazell 9.295 Aewohnor zeeld.
S´ Schdaddwabba zaegd a silbrichs Zäld, en dem a näggichor Mã en-ra volla Baadwann hoggd ond on blaua Kelch en dor Hãd hådd. Dui gold-gfliasda Baadwann schdåd uf-ma schachbrädd-ardicha schwarz-goldena bläddleda Boda. Em blaoa Hemml iborm Zäld dribor schwäbd a oenzälna Hirschschdang, was so vil håesd wia dass Bad Liabazell zo Wirddabärg ghaerd. D´ Schdaddfarba send Blao-Weis.
Seid 1992 geid´s a Partnorschafd mid Villaines la Juhel en Franggreich.