Fox News Channel
From Wikipedia, the free encyclopedia
Fox News Channel [fɑks nuːz ˈt͡ʃænəl](info) (kurz FNC, hüüfig aifàch Fox News odd’r Fox g’nännt) ìsch a US-àmerikàànischer Noohrìchtasander mìt Sìtz z’ Näi York. S’ Progràmm ìsch ìm Oktoower 1996 üssg’schtrààhlt worra un gheert zem Meediakonzärn Fox Corporation vum àuischtrààlisch-àmerikàànischa Unternammer Rupert Murdoch.
Fernsehsender (Prìwààt) | |
Brogrammtüp | Informàzioon |
Empfang | Kààwel, Sàtellit, Sàtellitaradio, IPTV |
Bilduflöösig | 480i (SDTV) 720p (HDTV) |
Sendestart | 7. Oktoower 1996 |
Sprooch | Àmerikàànisch Anglisch |
Sitz | 1211 Avenue of the Americas New York City, New York 10036 |
Äigedümer | Fox Corporation |
Website |
Dialäkt: Mìlhüüserdiitsch |
Àm Ààfàng hann 17 Millioona Litt dr Kànààl dur Kààwel känna ämpfànga.[1] Ìm Septamber 2018 kààt maa’na ìn 87 Millioona àmerikàànischa Hüüshàlta sah — dàs ìsch 91 Prozant vu da Hüüshàlta, wo fìr dr Kààwelfarnsah b’zààhlt hann.[2] Fox News hàt bis züa 3,57 Millioona Züaschàuijer ìn dr Hàuiptsandazitt un ìsch domìt dr Noohrìchtakànààl, wo ìn da USA àm maischta-n-ààglüagt wìrd — vor CNN un MSNBC.[3][4][5] Ìn da Sandunga waara vor àllem rachtskonsärwàtiiwa Mainunga vertratta;[6][7][8] d’ maischta Züaschàuijer sìnn Ààhanger vu dr Repüblikàànischa Pàrtäi.[9] Noh-n-era Untersuchung vum Pew Research Center ànna 2019 hann 65 Prozant vu da Ààhanger vu dr Repüblikàànischa Pàrtäi dr Kànààl Fox News Channel vertràuijt.[10] Ìn da Sandunga wìrd oft d’ Demokrààtischa Pàrtäi haftig kritisiart.[11][12] D’ Kritiker sààga, àss uff Fox News hüüfig „Àlternàtiiwa Fàkta“, fàlscha Informàzioona un sogààr Verschweerungstheoriia verbraita waara.[13][14] A pààr Wìssaschàftler hann Untersuchunga gmàcht un hann zaigt, àss Fox News a Àrt Propaganda verbraita düat.