Hööcheri Säuger
From Wikipedia, the free encyclopedia
Die Hööchere Säuger oder Plazentadier (Eutheria, Placentalia) bilde wie d Kloakedier (Protheria), wo Äier leege, und d Büteldier (Metatheria) en Underklass vo de Säuger (Mammalia). Die Hööchere Säuger si die arteriichsti Grubbe vo de Säuger. Au in Hiisicht uf e Körperbau und d Lääbensrüüm si si die vilfältigsti (1135 vo 1229 Gattige). Zu däm Taxon ghööre öbbe 94 Brozänt vo de rezänte Säugerarte.[1]
Hööcheri Säuger | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Eutheria | ||||||||||||
Huxley, 1880 |
Mä sött die dütsche Nääme für das Taxon richdig verstoo. „Hööcher“ isch kä Wärturdäil, wo mit „Fortschritt“ usw. chönnt in Zämmehang brocht wärde, sondern dütet eender d Entwickligslinie aa, wo in ere fylogenetische Daarstellig „hööcher“ lit. „Plazentadier“ isch au nid ganz genau, wil au mänggi Büteldier (wie d Naasebütler und dr Koala) en äifachi Plazenta häi.