Juan Gris
From Wikipedia, the free encyclopedia
Dr Juan Gris (* 23. Merz 1887 z Madrid; † 11. Mai 1927 z Boulogne-sur-Seine, Frankriich; äigentlig José Victoriano Carmelo Carlos González-Pérez) isch e schbanische Mooler gsi.
Näben em Pablo Picasso und em Georges Braque isch er dr Hauptverdräter vom sünthetische Kubismus. Dr Gris het vor Allem Stilllääbe gmoolt. In deene het er Bildelimänt as Collasche näben- und überenander gsetzt. Dr Gris het die nöije Gstaltigsbrinzipie vom Kubismus in e razionaals Süsteem integriert und het sich wääred sim aktive Lääbe immer Müe gee, au d Theorii hinder siner Kunst z erklääre.[1]