معركة حمص التانيه
From Wikipedia, the free encyclopedia
معركة حمص التانيه معركه كبيره قامت بين الجيش المصرى بقيادة السلطان قلاوون و جيش مغول الايلخانات ( مغول فارس ) بقيادة منگوتيمور اخو الايلخان اباقاخان ابن هولاكو فى جنوب حمص فى سنة 1281. انتهت المعركه بهزيمه كبيره للمغول.
فى سنة 1277 خرج الظاهر بيبرس بالجيش و راح يهاجم قيساريه عاصمة دولة السلاجقه اللى كانت تابعه للمغول ، و بعد ما انتصر فى معركة الأبلستين دخل قيساريه و قعد على العرش فى القصر السلطانى ، و بعد ما قضى اسبوع هناك قرر انه يرجع مصر لكن اتوفى فى السكه فى الشام ، فاتولى الحكم ابنه السعيد بركه قان ، و بعد ما حكم حوالى سنتين عزله الامير قلاوون و نصب مكانه أخوه الطفل سلامش ، و بعد سلامش ما قعد على عرش مصر 100 يوم عزله قلاوون و قعد هو على العرش. فى الظروف دى انتهز اباقاخان ايلخان فارس فرصة ارتباك الأوضاع السياسيه فى مصر و قرر انه يستولى على الشام.