الجيش المصرى
From Wikipedia, the free encyclopedia
الجيش المصرى فى معظم فترات التاريخ هو اقوى و اعرق جيش فى جنوب البحر المتوسط. من بدايات الحضاره المصريه و الجيش المصرى بيلعب دور كبير فى الدفاع عن الحضاره المصريه ضد الغزاه. على مر العصور قدم الفكر العسكرى المصرى ارقى مفاهيم و تقاليد الجنديه و خاض الجيش المصرى معارك كبيره ضد جيوش ضخمه هاجمت مصر او جهزت لمهاجمتها. من المعارك الكبيره الخالده اللى خاضها الجيش المصرى كانت معركة قادش فى عهد الملك رمسيس التانى ضد الحيثيين و معركة مجيدو فى عهد تحوتمس التالت ، و فى العصور الوسطى معارك حطين و عين جالوت و المنصوره و فتح عكا و مرج الصفر و غيرها ضد المغول و الصليبيين اللى كانت معارك ضخمه بين اقوى جيوش العالم فى زمنها ، و اللى نتايجها كانت تاريخيه و غيرت مجرى التاريخ. فى العصر البطلمى الجيش المصرى كان أقوى جيش فى العالم ، و الاسطول البحرى المصرى كان سيد البحر المتوسط من غير منازع .[3] لغاية النهارده الجيش المصرى بيعتبر من اقوى جيوش العالم عدد و عده.
| ||||
---|---|---|---|---|
القوات المسلحه المصريه | ||||
شعار الجيش المصرى | شعار | |||
البلد | مصر | |||
المقر الرئيسى | القاهرة | |||
تاريخ التأسيس | 1820 | |||
الرئيس | عبد الفتاح السيسى | |||
قائد اعلى | قائد اعلى | |||
الماليه | ||||
الموازنه | 7.4$ مليار ل$11.1 مليار دولار أمريكى (2019)، وبتشمل $1.3 مليار من الدعم العسكرى الامريكانى كل سنه[1] | |||
عدد المتطوعين | 438,500[2] | |||
الموقع الرسمى | www | |||
تعديل |
مصر اتميزت عبر العصور مش بس بتفوقها الثقافى و الحضارى عن المنطقه اللى بتحاوطها لكن كمان بتفوقها فى عدد السكان. مصر طول تاريخها تعداد سكانها كبير و اعلى من المناطق اللى حواليها. ده اداها قدره على تكوين جيوش ضخمه ، و لحد فى حالات الانتكاسات العسكريه كانت بتقدر تتجاوز الازمه و تكون فى وقت قصير جيش كبير يقدر يدخل حرب جديده.