رئيسيات
رتبة من الثدييات / From Wikipedia, the free encyclopedia
الرئيسيات أو الرئيسات هيا رتبة من طائفة الثدييات، بتضم السعالي البدائية والسعالي.[8] تطورت الرئيسيات من أسلاف بتعيش علي الشجر كانت بتعيش فى الغابات الاستوائية؛ وظهرت صفات التأقلم علي اجسام معظم الرئيسيات كنتيجة للعيش فى البيئة الاستوائية . كل الرئيسيات الموجودة الايام دى شجريّة ما عدا عدد أنواع قليل جدا منها اللي قدر يتخلي عن العيش فوق الأشجار زي الأنسان.
| ||||
---|---|---|---|---|
| ||||
الاسم العلمى | Primates[1][2][3][4][5] | |||
الاسم العام | (بالنرويجى الbokmål: primater)[6] | |||
صنف فرعى من | ثدييات | |||
الاصنوفه الاعلى | اشباه رئيسيات ، وپلاسينتاليا [2]، وثدييات [3] | |||
المرتبه التصنيفيه | رتبه [2][3][7][4] | |||
تاريخ البدء | 55 مليون سنة ق.م | |||
رمز ميركوسور | 0106.11.00 | |||
معرض صور رئيسيات - ويكيميديا كومنز | ||||
تعديل |
مع أن البشر موجودين فى كل القارات [ب]،ألا أن معظم الرئيسيات بتعيش فى المناطق الاستوائية وشبه الاستوائية فى الأمريكتين وافريقيا وآسيا. بتتراوح أحجام بعض الأنواع اللي عايشة دلوقتي من الصغيرة جدا زي ليمور السيدة بيرت الفأري واللي بيزن 30 جرام بس، الى أنواع ضخمة جدا زي غوريلا السهول الشرقية واللي بيتجاوز وزنها 200 كجم. بتوضح الأدلة الاحفورية الى أن الأسلاف البدائية للرئيسيات ظهرت فى أواخر العصر الطباشيري (حوالي 65 مليون سنة فاتت).[9] وأقدم الرئيسيات المعروفة هيا البليسيادابيس اللي عمر حفرياتها بيرجع الى وقت متأخر جدا من العصر الباليوسيني (حوالي 55-58 مليون سنة فاتت). بتقترح دراسات الساعة الجزيئية أن رتبة الرئيسيات عمرها ممكن يكون أقدم من كده، وبأن فترة نشوءها بترجع فى نص العصر الطباشيري (حوالي 85 مليون سنة فاتت )[ت].[10]
بتتقسم رتبة الرئيسيات الي مجموعتين أساسيتين وهما: السعالي البدائية والسعالي (أشباه البشر). السعالي البدائية ليها خصائص شبه خصائص الرئيسيات البدائية الأولى، وبتشمل الليموريات فى جزيرة مدغشقر، واللوريسيات، والترسيريات. أما السعالي فبتشمل السعادين، والقِردة، والانسانيات. من قريب جدا، فضل علماء التصنيف أنهم يقسمو الرئيسيات الى رتيبة الهباريات أو "رطبة الأنف "، بتتشكل من السعالي البدائية الترسيرية، والنسناسيات بسيطة الأنف أو "الرئيسيات جافة الانف"، واللي بتتكون من الترسيريات، والسعالي. بتقسم السعالي الى مجموعتين: سعادين العالم الجديد فى أمريكا الوسطى والجنوبية، والنسناسيات نازلة الأنف اللي بتضم بدورها: السعادين والقرود فى افريقيا وجنوب شرق آسيا. سعادين العالم الجديد بتشمل فصايل السعدان الكبوشي، وسعدان العواء والسعدان السنجابي؛ أما النسناسيات نازلة الأنف فبتضم سعادين العالم القديم (زي الرباح والمكاك)، والشق والقردة العليا. يعتبر الانسان العاقل النوع الوحيد اللي انتشر بنجاح خارج افريقيا، بالرغم من أن الأدلة الاحفورية بتبين أن كان فى أنواع بشريَّة تانية منقرضة كانت عايشة فى أوروبا على ايد خروج الأنسان العاقل من افريقيا .
لما بنيجي بص للثدييات عموماً، بنلاحظ أن الرئيسيات بتظهر خصائص كتيرة جدا مميزة. عندك فى بعض الرئيسيات مثلا زي الأنسان والقردة العليا والرباح هتلاقي الأجناس دي أرضية (بتعيش علي الأرض) أكتر من كونها شجرية، بس رغم كده فهتلاقي أن كل أجناس الرئيسيات عندها القدرة علي تسلق الأشجار والاحتماء فيها. بتلجأ الرئيسيَّات لأساليب كتيرة فى نحركاتها، منها: النط من شجرة الى شجرة، والمشي على طرفين أو أربع أطراف، والمشي علي مفاصل صوابع الأيد ، والتمرجح بين فروع الأشجار.بتتميز الرئيسيات بأدمغة كبيرة بالنسبة للثديات التانية،دا غير أعتمادها علي الرؤية المجسمة بدلا من حاسة الشم، اللي بتعد النظام الحسي المنتشر فى معظم الثدييات. تعتبر السعادين والقردة أكتر الرئيسيات تطورا للميزات دي، أما اللورسيات والليموريات فعندها الميزات دي بدرجة أقل. تطورت الرؤية ثلاثية الألوان عند معظم الرئيسيات، دا غير الصفات التطورية اللي بتميزها زي: الابهام والديول القابضة. كتير من الأنواع مثنوي الشكل جنسيًّا (بيختلف شكل الدكر وهيئته عن شكل الأنثى)؛ بتشمل الاختلافات فى كتلة الجسم، وحجم الأنياب، واللون. معدلات النمو عند الرئيسيات أبطأ من غيرها من الثدييات اللي عندها نفس الحجم، الريئيسيات بتوصل الى مرحلة النضج متأخر جدا، بس فى المقابل بتعيش لفترة أطول. الرئيسيات البالغة ممكن تعيش فى عزلة أو فى مجموعات مكونة من فردين أو فى مجموعات من مئات الأعضاء.