شيوعيه
From Wikipedia, the free encyclopedia
الشيوعيه (انجليزى: communism) فى الاساس هى نظام اجتماعى اقتصادى بتكون الملكيه فيه فى ايد المجتمع كله بالتساوى و بتضمن حقوق و حرية البروليتاريا اللى هى طبقة العاملين بأجر. (الماركسيه) تيار تاريخى من تيارات الشيوعيه و هو اللى من الفاضلين لحد دلوقتى.الاب الروحى للنظريه الشيوعية هو كارل ماركس و اشهر و اكتر واحد درس النظريات دى و ساهم فى تطورها و تطبيقها فى الحقيقه كان فلاديمير لينين. الشيوعيه ظهرت كمرحلة من مراحل التطور التاريخى للاشتراكيه, الشيوعيه شايفه انها امميه لكل البشر و ان الدول حتتلغى بالتدريج و تبقى فيه مجتمع واحد شيوعى بيجمع كل العالم..ظهرت الشيوعيه زى ما اتعرفت فى القرن التسعتاشر بصدور البيان الشيوعى ( المانيفيستو ) اللى عمله كارل ماركس سنة 1848 ، و انتشرت الشيوعيه الماركسيه بتأسيس الدوليه الأولى و ظهور الاحزاب الديمقراطيه الاشتراكيه, فى اوروبا. انتصرت الشيوعيه فى روسيا فى سنة 1917 بعد الثوره البلشفيه و اتكون بعدها الاتحاد السوفييتى و الشغل على دوله عالميه اشتراكيه على مبادىء لينين . بعد الحرب العالميه التانيه سيطرت الشيوعيه على بلاد البلطيق و بولندا و تشيكوسلوفاكيا و المجر و رومانيا و بلغاريا و ببعض التحفظات يوجوسلاڤيا و انضمت الصين الشعبيه سنة 1950 و كوبا و اجزاء تانيه من العالم. فى ناس اعتبروا ان الشيوعيه بتعتبر انهزمت بعد تفكيك الاتحاد السوڤييتى و حتموت , بس افكار الشيوعيه لسه موجوده و بتأثر جامد لحد دلوقتى.
فلسفه سياسيه |
تاريخ الشيوعيه |
مدارس الشيوعية |
|
مواضيع ليها صلة |
شيوعيين مشهوريين |
بوابة السياسة |