কম্পিউটাৰ প্ৰ’গ্ৰাম
From Wikipedia, the free encyclopedia
কম্পিউটাৰ প্ৰ’গ্ৰাম ( বা কেবল প্ৰ’গ্ৰাম বা চফ্টৱেৰ) হৈছে কম্পিউটাৰৰ দ্বাৰা কোনো এক কাৰ্য সমাধান কৰিবৰ বাবে তৈয়াৰ কৰা নিৰ্দেশাৱলীৰ সমষ্টি।[1] কম্পিউটাৰে এই নিৰ্দেশাৱলী অনুসৰি উল্লেখিত কাৰ্যটো সমাধা কৰে। এক কম্পিউটাৰে প্ৰ’গ্ৰাম অবিহনে কোনো কাৰ্য সমাধা কৰিব নোৱাৰে। প্ৰ’গ্ৰামৰ নিৰ্দেশাৱলীসমূহ ক্ৰমাগত ভাবে কেন্দ্ৰীয় প্ৰচেচৰত নিৰ্বাহ (execute) কৰি কাৰ্যটো সমাধা কৰে।[2] প্ৰ’গ্ৰামবোৰৰ এক পোনপতিয়াকৈ নিৰ্বাহ কৰিব পৰা ৰূপ থাকে, যাক এক্সিকিউটেবল ফৰ্ম (executable form) বোলা হয়। এটা প্ৰ’গ্ৰাম মানুহে পঢ়িব পৰা ৰূপ (যাক কোৱা হয় চৰ্চ কোড, source code)-ৰ পৰা কম্পাইলাৰ, এচেম্বলাৰ আদিৰ সহায়ত নিৰ্বাহ কৰিব পৰা ৰূপলৈ পৰিবৰ্তন কৰিব পৰা যায়।
চৰ্চ কোড সমূহ প্ৰ’গ্ৰামিং ভাষাত লিখা হয় আৰু কম্পাইলাৰ সহায়ৰ এক্সিকিউটেবল ফৰ্মলৈ পৰিবৰ্তন কৰা হয়, যাক কেন্দ্ৰীয় প্ৰচেচিং ইউনিটৰ দ্বাৰা পাছলৈ নিৰ্বাহ কৰিব পাৰি।