Antonio Banderas
actor español / From Wikipedia, the free encyclopedia
José Antonio Domínguez Bandera[15] (10 d'agostu de 1960, Málaga), de nome artísticu Antonio Banderas, ye un actor, cantante, productor y direutor español. Empecipió la so carrera d'actor mientres los años 80 n'España, magar ye especialmente conocíu polos sos papeles pa la industria norteamericano, onde centró la so carrera dende empiezos de la década de 1990. Tuvo casáu cola tamién actriz Melanie Griffith, cola que tien una fía, Stella del Carmen.
Antonio Banderas | |
---|---|
Vida | |
Nacimientu | Málaga[1], 10 d'agostu de 1960[2] (63 años) |
Nacionalidá | España |
Residencia | Málaga |
Llingua materna | castellanu |
Familia | |
Padre | José Domínguez Prieto |
Casáu con |
Ana Leza (1987 – 1996) Melanie Griffith (1996 – 2014) |
Pareyes | Nicole Kimpel |
Fíos/es | Stella Banderas |
Estudios | |
Estudios | Escuela Superior de Arte Dramático de Málaga (es) |
Llingües falaes |
castellanu[3] inglés |
Oficiu | cantante, productor de cine, actor de cine, direutor de cine, modelu, actor, realizador |
Llugares de trabayu | España |
Premios |
ver
|
Nominaciones |
ver
|
Miembru de | SAG-AFTRA (es) |
Instrumentu musical | voz |
Creencies | |
Relixón | catolicismu |
IMDb | nm0000104 |
antoniobanderas.me | |
Predecesor (nuna década) del despegue internacional de Penélope Cruz y Javier Bardem, Antonio Banderas ye'l primer actor español que foi nomáu a los Globos d'Oru, a los Premios Tony y a los Premios Emmy. Trabayó con direutores como Pedro Almodóvar, Robert Rodríguez, Woody Allen, Betty Kaplan, Jonathan Demme, Alan Parker y Brian De Palma, xaciándose con estrelles como Brad Pitt, Tom Cruise, Angelina Jolie, Tom Hanks, Madonna, Denzel Washington, Anthony Hopkins, Meg Ryan, Emma Thompson, Johnny Depp, Sylvester Stallone, Morgan Freeman y Harrison Ford, ente otros.
Tien una marca d'arumes y arumes col so nome, xestionada pola compañía española de moda y arumes Puig.[16]
Nomáu fíu predileutu d'Andalucía en 2013[17] y caballeru lexonariu d'honor,[18] foi gallardoniáu col Goya d'Honor de l'Academia de Cine d'España en 2015. En 2017 foi estremáu col Premiu Nacional de Cinematografía.[19]