Bancu Central de los Emiratos Árabes Xuníos
bancu central / From Wikipedia, the free encyclopedia
El Bancu Central de los Emiratos Árabes Xuníos (n'árabe: مصرف الإمارات العربية المركزي المتحدة) ye la institución estatal responsable de la xestión y política monetaria, amás de la regulación bancaria nos Emiratos Árabes Xuníos.
Bancu Central de los Emiratos Árabes Xuníos | |
---|---|
bancu central | |
Llocalización | |
Sede | Abu Dhabi |
Direición | Emiratos Árabes Xuníos |
Historia | |
Fundación | 19 mayu 1973 |
Web oficial | |
Foi establecíu'l 19 de mayu de 1973 so la denominación de Caxa de Conversión de los Emiratos Árabes Xuníos.[1] Esto dempués de la creación de los Emiratos Árabes como un estáu independiente en 1971.[2] El propósitu orixinal de la Caxa de Conversión foi emitir una moneda independiente pal nuevu estáu que reemplazara les monedes esistentes en circulación pa la dómina: el Riyal qatarín y el Dinar bareiní. El nuevu Dirham emiratín entró en circulación nel mesmu día del establecimientu de la Xunta Monetaria.
Mientres esos tiempos, la Caxa de Conversión de los Emiratos Árabes nun tenía plenes facultaes propies d'un Bancu central. Dicha entidá foi la encargada de xestionar la moneda, les reserves d'oru y les divises del país, pero nun tenía l'autoridá reguladora y nun taba facultáu pa remanar la política monetaria del país. El 10 d'avientu de 1980 créase la Llei Unión Nᵘ10 por aciu el cual establecía formalmente lo que se conoz anguaño como'l Bancu Central de los Emiratos Árabes Xuníos, en sustitución de l'antigua Caxa de Conversión.
El Bancu Central de los Emiratos Árabes Xuníos tien facultaes pa emitir y alministrar la moneda; d'asegurar la estabilidá de la mesma; de xestionar la política de creitu del país; de desenvolver y supervisar el sistema bancariu nos Emiratos Árabes; d'actuar como banqueru, apurrir sofitu monetariu y financieru al Gobiernu; de xestionar les reserves d'oru y divises; d'actuar como emprestador d'última instancia pa los bancos qu'operen en territoriu emiratín; y representar a los Emiratos Árabes Xuníos nes instituciones internacionales como'l Fondu Monetariu Internacional, el Bancu Mundial y el Fondu Monetariu Árabe.