Castiellu de Loarre
From Wikipedia, the free encyclopedia
El castiellu abadía de Loarre ye un castiellu románicu asitiáu na llocalidá del mesmu nome, na sierra de Loarre, na provincia d'Huesca, comunidá autónoma d'Aragón n'España.
Castiellu de Loarre | |
---|---|
Bien d'Interés Cultural | |
Castiellu, monesteriu, castillo roquero (es) y destín turísticu | |
Llocalización | |
País | España |
Autonomía | Aragón |
Provincia | provincia d'Uesca |
Conceyu | Loarre (es) |
Coordenaes | 42°19′32″N 0°36′43″W |
Historia y usu | |
Apertura | 1020 |
Comisariu | Sancho Ramírez de Aragón y Pamplona (es) |
Usu |
fortaleza (es) monesteriu |
Arquiteutura | |
Estilu | arquiteutura románica |
Patrimoniu | |
BIC | RI-51-0000089-00000 |
Web oficial | |
Dende la so posición tiense un control sobre tola llanura de la Hoya d'Huesca y en particular sobre Bolea, principal plaza musulmana de la zona y que controlaba les riques tierres agrícoles de la llanura. Foi construyíu nel sieglu XI y presenta un bon estáu de caltenimientu, lo que fai que seya unu de los meyores exemplos d'arquiteutura militar y civil del románicu d'España. Foi denomináu Bien d'Interés Cultural y Monumentu Nacional nel añu 1906. Les instituciones rexonal y comarcal tán interesaes en promover la so declaración como Patrimoniu de la Humanidá pola Unesco.[1]
El castiellu asitia sobre un puexu de roca caliar qu'utiliza como cimientos. Esto suponía una gran ventaya defensiva, yá que asina los murios nun podíen ser minaos (téunica habitual nel asediu de fortaleces, que consistía en construyir un túnel per debaxo del muriu pa dempués fundilo y abrir asina una fienda pola qu'asaltar). Amás ta arrodiáu per una muralla con torrexones.
El castiellu ta en bastante bon estáu de caltenimientu (salvo la parte del antiguu castiellu de Sancho III de Navarra, muncho más deteriorada) y ta consideráu como la fortaleza románica meyor caltenida d'Europa. Destaquen la pequeña capiya, la cripta de santa Quiteria, asitiada a la entrada (con una increíble acústica) y la maxestosa ilesia del castiellu (de la que se desconoz el paradoriu de les pintures romániques) na que llama l'atención la cúpula (polo poco habitual que ye nel románicu).