Ciclón extratropical
From Wikipedia, the free encyclopedia
Los ciclones extratropicales, dacuando llamaos ciclones de llatitú media, son un grupu de ciclones definíos como sistemes meteorolóxicos de baxa presión d'escala sinóptica, alcontraos nes llatitúes medies de la Tierra, que nun presenten les carauterístiques típiques de los ciclones tropicales nin de los polares, y tán venceyaos a los frentes, a los gradientes térmicos horizontales y al puntu de rosada, tamién llamaes "zones baroclinas".[1] Los ciclones extratropicales son un fenómenu diariu que, xunto colos anticiclones, mueven el tiempu sobre munches partes de la Tierra, produciendo siquier nubosidad y nubes.
Trátase d'un fenómenu meteorolóxicu acomuñáu con una baxa presión atmosférica que tien llugar nes rexones templaes ente'l trópicu y los polos. Por ello, conócense tamién como ciclones templaos. Nel hemisferiu norte un ciclón rota en sentíu opuestu a les manes del reló, y en sentíu de les manes del reló nel hemisferiu sur. La rotación ye causada pol efeutu Coriolis. Los ciclones de llatitú media o extratropicales dependen de procesos baroclínicos, como'l contraste de temperatura ente mases d'aire frío y templáu.
Los ciclones extratropicales de baxa presión nos cualos produzse un descensu de la presión bien bultable y bien rápido del orde del milibar per hora, tamién pueden ser denominaos pol términu de "ciclogénesis esplosiva"