Eli Lilly
From Wikipedia, the free encyclopedia
Eli Lilly (8 de xunetu de 1838, Baltimore – 6 de xunu de 1898, Indianapolis) foi un militar, químicu, farmacéuticu, industrial y empresariu d'Estaos Xuníos. Ye conocíu por haber sío'l fundador de la corporación farmacéutica Eli Lilly and Company. Apuntóse nel Exércitu de la Xunión mientres la Guerra de Secesión y reclutó un grupu d'homes pa formar una batería d'artillería.[3] Darréu foi xubíu a coronel y dióse-y el mandu d'una unidá de caballería. Cerca del final de la guerra foi prindáu y permaneció prisioneru de guerra prisioneru hasta qu'esta concluyó.[4] Más tarde intentó controlar una plantíu en Mississippi,[5] pero fracasó y retomó el so oficiu de farmacéuticu dempués de la muerte de la so esposa.[6] Volvió casase y trabayó en delles farmacies antes de l'apertura del so propiu negociu en 1876, con proyeutos pa fabricar medicines y comercializales al per mayor.[7][8]
Eli Lilly | |
---|---|
Vida | |
Nacimientu | Baltimore, 8 de xunetu de 1838[1] |
Nacionalidá | Estaos Xuníos |
Muerte | Indianapolis, 6 de xunu de 1898[1] (59 años) |
Sepultura | Cementeriu de Crown Hill[2] |
Causa de la muerte | cáncanu |
Familia | |
Casáu con | Evelyn Bartlett ( – 1927) |
Fíos/es | Josiah K. Lilly, Sr. |
Estudios | |
Estudios | Universidad DePauw (es) |
Oficiu | químicu, militar, farmacéuticu, empresariu |
Premios |
ver
|
Graduación | Coronel |
Creencies | |
Partíu políticu | Partíu Republicanu de los Estaos Xuníos |
La so empresa resultó esitosa y llueu consiguió bienestar económico, dempués de realizar numberoses meyores na fabricación de productos melecinales. Dos de los primeros adelantos que promovió fueron la creación de cápsules de gelatina pa contener melecines y l'amiestu de medicines líquides con un saborizante frutal.[4] Eli Lilly and Company foi una de les primeres firmes farmacéutiques de la so clase, creando como parte de la so organización un departamentu d'investigación ya implementando numberoses midíes pa garantizar la calidá.[9]
Lilly utilizó la so riqueza pa comprometese en numberoses causes filantrópiques. En 1890 dexó la direición de la empresa al so fíu pa poder dedicase a les sos actividaes de caridá y de progresu cívicu como actividá principal. Ayudó a fundar la organización que se convertiría na Cámara de Comerciu d'Indianapolis, foi'l patrocinador principal de la sucursal d'Indiana de la Charity Organization Society y financió personalmente la creación del hospital pa neños de la ciudá, que dempués foi ampliáu pol estáu pa convertise nel James Whitcomb Riley Hospital for Children.[10] Siguió participando viviegamente con munches organizaciones hasta la so muerte pola mor del cáncer en 1898.[11]
Foi defensor de la regulación federal de la industria farmacéutico y munches de les reformes que suxurió fueron promulgaes como llei en 1906, causando la creación de la Food and Drug Administration (FDA).[12][13] Tamién tuvo ente los pioneros del conceutu de prescripción y ayudó a establecer el criteriu, que más tarde se volvería la práctica común, de solo vender medicines adictives o peligroses a quien primero consultara a un médicu.[14] La empresa que fundó convirtióse dende entós nuna de les corporaciones farmacéutiques más grandes y más influyentes del mundu, según la corporación más grande d'Indiana.[15] Col patrimoniu que xeneró, el so fíu y nietos crearon la fundación Lilly Endowment pa siguir col so heriedu filantrópicu. La fundación ye considerada unu de los benefactores más grandes del mundu, en términos d'activos y donaciones.[16][17]