Juan Leonardo Vega
xugador de baloncestu arxentín / From Wikipedia, the free encyclopedia
Juan Leonardo Vega (29 de payares de 1946, Santa Fe – 6 de xineru de 2009, Santa Fe) foi un xugador de baloncestu en siella de ruedes y dirixente deportivu arxentín. Integrando la seleición arxentina de baloncestu en siella de ruedes, Vega llogró medaya de bronce nos Xuegos Paralímpicos de Heidelberg 1972 y foi dos veces campeón mundial de los Xuegos Mundiales IWAS de 1973 y 1974. El 14 de mayu de 1966 foi unu de los fundadores del Club Integral de Lisiaos Santafesinos (CILSA), la primer institución pa deportistes con discapacidaes d'Arxentina, entidá que presidió. Finó siendo presidente del club Unión de Santa Fe -al que dedicó gran parte de la so actividá- y del Cilsa. Foi sociu fundador de la Federación Arxentina de Deportes sobro Siella de Ruedes (FADESIR), del Comité Paralímpicu d'Arxentina (COPAR). Foi direutor téunicu de les seleiciones arxentines de baloncestu femenín y masculín. Integró'l Comité Executivu de l'Asociación del Fútbol Arxentín (AFA).
Juan Leonardo Vega | |
---|---|
Vida | |
Nacimientu | Santa Fe, 29 de payares de 1946 |
Nacionalidá | Arxentina |
Muerte | Santa Fe, 6 de xineru de 2009 (62 años) |
Oficiu | |
Oficiu | xugador de baloncestu |
| |
Polos sos llogros deportivos foi reconocíu n'Arxentina como Maestru del Deporte.[1] Na so memoria lleven el so nome'l Campeonatu Nacional de Baloncestu en Siella de Ruedes y el Complexu Polideportivu de la Ciudá de Santa Fe.