Junts pel Sí
From Wikipedia, the free encyclopedia
Junts pel Sí[1] (JxSÍ, n'asturianu Xuntos pol Sí)[2][3][4] ye una candidatura eleutoral pa les eleiciones al parllamentu de Cataluña de 2015. Taba formada por Converxencia Democrática de Cataluña (CDC), Esquerra Republicana de Catalunya (ERC), Demócrates de Cataluña y Moviment d'Esquerres, y el so oxetivu yera la declaración de la independencia de Cataluña.
Junts pel Sí | |
---|---|
Acrónimu | JxSí |
Fundación | 20 de xunetu de 2015 |
Sede | Barcelona |
Estáu | España |
Ideoloxía política | Independentismu catalán |
Posición nel espectru | centrismu |
Páxina web | juntspelsi.cat |
Cuntó col sofitu de les organizaciones independentistes Òmnium Cultural, l'Asociación de Conceyos pola Independencia, Asamblea Nacional Catalana (ANC),[5] Sumar,[6] Solidaritat Catalana per la Independència,[7] Reagrupament,[8]Catalunya Sí, Catalunya Acció y Avancem. Les Candidatures d'Unitat Popular (CUP) foron convidadesv a xunise a la llista, pero finalmente refugólo.[9]
La so cabezalera por Barcelona foi l'exeurodiputáu d'ICV Raül Romeva, siguíu de Carme Forcadell (ANC), Muriel Casals (Òmnium Cultural), Artur Mas (CDC) y Oriol Junqueras (ERC).[10] Por Girona, la cabezalera va ser el cantautor Lluís Llach, por Tarragona l'economista Germà Bel,[11] y por Lleida el funcionariu Josep Maria Forné.[12]
El 9 de xineru de 2016 Artur Mas (cuartu na llista de Junts pel Sí en Barcelona y supuestu candidatu a la presidencia de la Xeneralidá de Cataluña), anunció en rueda de prensa que nun se presentará finalmente, proponiendo a Carles Puigdemont como candidatu a presidente, tres les negociaciones cola CUP.[13]