Miguel Ángel Rodríguez Echeverría
From Wikipedia, the free encyclopedia
Miguel Ángel Rodríguez Echeverría (9 de xineru de 1940, San Xosé) ye un economista, empresariu y políticu costarricanu. Rodríguez foi ministru de planificación (1968-1970) y de la Presidencia (1970) y Direutor del Bancu Central mientres l'alministración de José Joaquín Trejos Fernández (1968-1969), diputáu de l'Asamblea Llexislativa nel periodu 1990-1994, mesmu en qu'exerció la Presidencia del Congresu, presidente de la República del 8 de mayu de 1998 al 8 de mayu de 2002 y foi electu Secretariu Xeneral de la Organización d'Estaos Americanos el 15 de setiembre de 2004, puestu al que voluntariamente arrenunció n'ochobre del mesmu añu pa presentase a enfrentar cargos xudiciales en Costa Rica.
Miguel Ángel Rodríguez Echeverría | |||||
---|---|---|---|---|---|
15 setiembre 2004 - 15 ochobre 2004 ← César Gaviria - Luigi R. Einaudi →
8 mayu 1998 - 8 mayu 2002 ← José María Figueres Olsen - Abel Pacheco de la Espriella → | |||||
Vida | |||||
Nacimientu | San Xosé, 9 de xineru de 1940 (84 años) | ||||
Nacionalidá | Costa Rica | ||||
Familia | |||||
Casáu con | Lorena Clare Facio | ||||
Estudios | |||||
Estudios |
Universidá de Costa Rica Universidá de California en Berkeley | ||||
Oficiu | economista, políticu, abogáu | ||||
Emplegadores | Universidá de Costa Rica | ||||
Premios |
ver
| ||||
Creencies | |||||
Relixón | Ilesia Católica | ||||
Partíu políticu | Partido Unidad Social Cristiana (es) | ||||
Rodríguez foi un políticu de pensamientu ideolóxicu lliberal[3] que favorecía l'amenorgamientu del Estáu, el llibre comerciu y la privatización o apertura de los monopolios públicos, polítiques qu'implementó dende la so Presidencia. El so gobiernu enfrentó airaes protestes sociales arriendes del so enfotu por aprobar un paquete de lleis qu'abría los monopolios de telecomunicaciones y eletricidá del Institutu Costarricense d'Eletricidá que fueron vistes como un momentu icónico de les movilizaciones populares costarricenses.[4]
Acusáu d'haber recibíu sobornos de la firma francesa Alcatel pa l'axudicación de jugosos contratos, Rodríguez arrenunció a la Secretaria Xeneral de la OEA y voluntariamente tornó al país onde al so apuerto primeramente anunciáu foi arrestáu y procesáu judicialmente por arriquecimientu y condergáu a cinco años de prisión, sentencia que depués foi revocada y declaráu inocente por dos sentencies unánimes del Tribunal d'Apelación de Senty y otra de la Sala de Casación Penal. Nes últimes sentencies tomáronse como válides toles pruebes qu'antes fuera declaraes illexítimes..[5],[6]