Nomes eslavos
artículu de llista de Wikimedia / From Wikipedia, the free encyclopedia
Los nomes propios d'orixe eslavu provienen de les llingües eslaves y son populares nos países eslavos, como por casu: Bielorrusia, Bulgaria, la República Checa, Polonia, Rusia, Serbia, Eslovaquia, Eslovenia, Croacia y Ucraína. Tienen un calter davezu pacíficu o guerreru, el so orixe ye precristianu o medieval, y polo xeneral nun se refieren direutamente a dioses o armes. Seique sía asina, porque los nomes de dioses yeren tabú, según les pallabres que denominaben al armamentu. La única esceición yera'l nome Mieczysław (miecz-, "espada") y los nomes y apellíos col prefixu bog- o boh- "dios" (exemplu: Bogdan), deriváu del significáu "ricu" (por influencia del Cristianismu).[1] Los nomes eslavos suelen ser astractos y describen el calter d'una persona, el deséu d'un bon futuru o'l respetu a los miembros de la familia.