Santa Cueva de Cuadonga
paraxe históricu, Bien d'Interés Cultural / From Wikipedia, the free encyclopedia
La Santa Cueva de Cuadonga ye un santuariu católicu asitiáu nel Principáu d'Asturies. Trátase d'un covarón nes estribaciones del Monte Auseva, que da nome a la parroquia de Cuadonga nel conceyu de Cangues d'Onís.
Santa Cueva de Cuadonga | |
---|---|
Bien d'Interés Cultural | |
cueva, santuario mariano (es) y sitiu históricu | |
Llocalización | |
País | España |
Autonomía | Principáu d'Asturies |
Provincia | provincia d'Asturies |
Conceyu | Cangues d'Onís |
Coordenaes | 43°19′N 5°04′W |
Patrimoniu | |
BIC | RI-54-0000027[1] |
Web oficial | |
El significáu de «Cuadonga», vien de «Cova de onnica» y significa la fonte de la cueva. El sufixu onnika, fonte, deriva del célticu onna, "ríu", y conforma na zona numberosos topónimos como Isongo "fonte del Is", Triongo "tres fuentes", Candongo "fonte blanca", etc.[2]
Según dellos estudiosos, la versión tradicional que fai venir el nome del llatín «Cova Dominica», o «Cueva de la Señora» (por tar el llugar dedicáu al cultu de la Virxe de Cuadonga) ye pocu probable, y daría n'asturianu «Covadominga».[3] Sicasí, Nun orde cronolóxicu sobre les cróniques que faen referencia a la monarquía asturiana y a la so hestoria, la de mayor antigüedá ye la Crónica albeldense, y de siguío la Crónica d'Alfonso III. D'esta postrera, la primer «versión» ye la Crónica rotense, asina llamada por haber se topáu na Catedral de San Vicente de Roda de Isábena yá amosaba les pallabres combayadura domínica, que na Baxa Edá Media evolucionó hasta'l nome actual de Cuadonga pasando polos estadios entemedios de covadómnica, covadónnica y covadónega.[4]