Seleición masculina de fútbol de Venezuela
From Wikipedia, the free encyclopedia
La seleición de fútbol de Venezuela, conocida como La Vinotinto,[1][2] ye l'equipu formáu por xugadores de nacionalidá venezolana que representa al país y a la Federación Venezolana de Fútbol (f. 1925[3]) nes competiciones oficiales de la disciplina dende 1938. Ye miembru plenu de la Federación Internacional de Fútbol Asociación (FIFA) dende 1952[3] y de la Confederación Suramericana de Fútbol (Conmebol) dende 1953,[4] siendo la postrera de los diez federaciones suramericanes en formase y afiliase. El so debú produció'l 12 de febreru de 1938 ante la seleición de Panamá nos IV Xuegos Centroamericanos y del Caribe.[5]
Seleición masculina de fútbol de Venezuela | ||||
---|---|---|---|---|
| ||||
Datos xenerales | ||||
Códigu FIFA | VEN | |||
Asociación | Federación Venezolana de Fútbol (FVF) | |||
Confederación | CONMEBOL | |||
Nomatu | La Vinotinto[1][2] | |||
Capitán | Tomás Rincón | |||
Más goles |
Giancarlo Maldonado (22) Juan Arango (22) | |||
Más particip. | Juan Arango (127) | |||
Ranking FIFA | 33.ᵘ en xunu de 2018 | |||
→ Meyor llugar | 29.ᵘ n'agostu de 2014 | |||
→ Peor llugar | 129.ᵘ n'avientu de 1998 | |||
Primer partíu internacional | ||||
Panamá 3:1 Venezuela — 12 de febreru de 1938 | ||||
Meyor resultáu internacional | ||||
Venezuela 7:0 Puertu Ricu — 16 de xineru de 1959 | ||||
Peor resultáu internacional | ||||
Arxentina 11:0 Venezuela — 10 d'agostu de 1975 | ||||
Copa Mundial de Fútbol | ||||
Participación | Ensin participaciones | |||
Copa FIFA Confederaciones | ||||
Participación | Ensin participaciones | |||
Copa América | ||||
Participación | 17 | |||
Meyor resultáu | Cuartu llugar, 2011 | |||
Participación | 7[n 1] (por primer vez en 1938) | |||
Meyor resultáu | (1982) | |||
Meyor resultáu | (1947) | |||
Xuegos Olímpicos | ||||
Participación | Ensin participaciones[n 2] | |||
[editar datos en Wikidata] |
Ye l'únicu equipu de la Conmebol qu'entá nun clasificó a una Copa Mundial de Fútbol y ye tamién, xunto con Ecuador, una de les seleiciones que nun ganó la Copa América. Histórica y estadísticamente foi considerada una de les seleiciones más débiles de la confederación continental. Sicasí, dende finales del sieglu XX empecipióse una crecedera futbolística bien importante en Venezuela que se tradució nun meyoramientu notable de la so competitividá y de la calidá del so xuegu. El so mayor llogru a nivel rexonal foi'l llogru de la medaya d'oru nos Xuegos Centroamericanos y del Caribe de 1982, y el cuartu llugar mientres la Copa América 2011.
En materia de los Xuegos Olímpicos de Branu, la seleición olímpica de Venezuela participó por invitación nel tornéu olímpicu de fútbol en Moscú 1980.[6][7]
A nivel de seleiciones xuveniles, Venezuela participó en dos Copes Mundiales de Fútbol Sub-20 —2009[8] y 2017[9]—, y nuna Copa Mundial de Fútbol Sub-17 —2013—.[10]. La so meyor actuación en torneos FIFA foi xustamente nel 2017 al llegar al subcampeonatu d'esti tornéu en xugando la final ante la seleición inglesa.