Tyne Daly
actriz estauxunidense / From Wikipedia, the free encyclopedia
Ellen Tyne Daly (21 de febreru de 1946, Madison) ye una actriz d'Estaos Xuníos de teatru, cine y televisión. Ganó seis premios Emmy pol so trabayu na pantalla chica, un premiu Tony, un Globu d'Oru y a partir de 2011, miembru del Salón de la Fama del Teatru estauxunidense.
Tyne Daly | |
---|---|
Vida | |
Nacimientu | Madison, 21 de febreru de 1946[1] (78 años) |
Nacionalidá | Estaos Xuníos |
Familia | |
Padre | James Daly |
Casada con | Georg Stanford Brown (1966 – 1990) |
Fíos/es | Kathryne Dora Brown |
Hermanos/es | Timothy Daly |
Estudios | |
Estudios |
Universidá Brandeis Rockland Country Day School (en) American Musical and Dramatic Academy (en) |
Oficiu | actriz de televisión, actriz de teatru, actriz de cine |
Premios |
ver
|
Nominaciones | |
IMDb | nm0002033 |
tyne-daly.com | |
Daly empezó la so carrera nel Summer stock theatre de Nueva York y fixo'l so debú en Broadway cola obra That Summer - That Fall en 1967. En 1989, actuó nel remontaje pa Broadway de Gypsy y ganó'l Premiu Tony a la meyor actriz principal nun musical en 1990.[2] Otres participaciones en Broadway inclúin The Seagull (1992), Rabbit Hole (2006) pol que recibió una nominación al premiu Tony y Mothers and Sons (2014) pol que foi nuevamente nomada al Tony.[3][4] Amás, interpretó a Maria Callas tantu en Broadway como nel West End londinense na obra Master Class (2011-2012).
Nel ámbitu de la televisión en tantu, ye meyor conocida pol so papel de la detective Mary Beth Lacey en Cagney & Lacey (1982-1988), pola que foi cuatro veces ganadora del Primetime Emmy a la meyor actriz nuna serie dramática.[5][6][7][8] Otros de los sos papeles en televisión inclúin a Alice Henderson en Christy (1994-1995), pol que ganó un Primetime Emmy a la meyor actriz de repartu nuna serie dramática en 1996 y Maxine Gray en Judging Amy (1999-2005), que-y valió un sestu Emmy na mesma categoría en 2003.[9][10]
Adicionalmente, recibió cinco nominaciones a los Globu d'Oru a la meyor actriz de repartu de serie, miniserie o telefilme en 1995 y a la meyor actriz de serie de televisión dramática en 1984, 1985 y 1987, ente que s'alzó col gallardón nesta categoría en 1986.[11][12][13][14][15]