Chthonische Uaviacha
From Wikipedia, the free encyclopedia
Chthonische Uaviacha (dt.: chthonische Tiere) san Viacha, de wo in da Mythologie mid da Untawejd, da Finstaniss und da Nocht vabandlt san. Dazua ghean beispuisweis Schlanga, Grodna, Skorpion und Woif.[1] Aus mythologischa Sicht san des Drackn, Weawoif[2] und de Midgardschlang (a Lindwuam), de Kikimora (uaspringle a slawische Geddin) und im Boarischn de Howangoas, de Schiachbeachtn und da Dazzlwuam.
Dass de chthonischn Viacha in da Untawejd hausn, hoasst nix andas, ois dass unta da Eadn bzw. in da Eadn wohna und so mid da Eadmuada vabundn san. Analog dozua gibts a chthonische Gedda. Dozua ghean de Gedda vo da Untawejt und de Muadageddina. Aus da griachischn Mythologie is do da Hades, de Persephone, da Dionysos, de Demeter und as Gschlecht vo de Titana z nenna.