Likas na yaman
From Wikipedia, the free encyclopedia
An likas na yaman (Ingles: natural resource) iyo an mga yaman na gikan sa kapalibotan asin nagagamit nin may kadikit na modipikasyon. Kabali digdi an mga ginikanan kan mga mahalagang karakteristiko arug kan pankomersyo asin industriyal na paggamit, aestetikong halaga, siyentipikong interes, asin kultural na kahalagahan. Sa Kinaban, kabali an sikat kan saldang, atmospera, tubig, kadagaan, gabos na mineral kabali na an behetasyon, asin kahayopan.[1][2][3][4]
An mga likas na yaman iyo parte kan likas na pamana kan katawohan o protektado sa likas na reserba. An mga partikular na lugar (arug kan kadlagan sa Fatu-Hiva) nagtatampok nin biyodibersidad asin heodibersidad sa saindang ekosistema. An mga likas na yaman pwede maklasipika sa manlainlain na paagi. An mga likas na yaman iyo materyal asin komposisyon (pwedeng magamit) na mahihiling sa kapalibotan. An lambang produkto na nahimo kan tawo iyo pigbibilog nin mga likas na yaman (sa pundamental na lebel kaini).