Lingua Franca Nova
From Wikipedia, the free encyclopedia
An Lingua Franca Nova pinahalipot bilang LFN asin midbid sa kolokyal bilang Elefen,[3] iyo an pantabang na artipisyal na tataramon na orihinal na tinogdas ni C. George Boeree kan Shippensburg University, Pennsylvania,[4] asin pina-urog kan dakol kan saiyang paragamit. An saiyang mga bokabularyo nakabase sa mga tataramon na Romanse, sinda iyo an Pranses, Italyano, Portuges, Espanyol, asin Katalan. An Lingua Franca Nova igwa nin mga ponemikong pagbaybay na nakabase sa 22 na letra gikan sa mga iskriturang Latin asin Siriliko. Bakong ordinaryo an LFN bilang sarong Internasyunal na artipisyal na tataramon huli ta igwa siya nin duwang opisyal na iskritura, minsan ngani an iskriturang Latin iyo an minalataw na de facto na mahiwas na piggagamit sa tataramon kisa sa iskriturang Siriliko.
Lingua Franca Nova | |
---|---|
lingua franca nova | |
Ginibo kan | C. George Boeree |
Petsa | 1965[1] |
Setting asin pangagamitan | International auxiliary language |
Pakinabang | International auxiliary language
|
Latin, Cyrillic | |
Mga pinagkuahan/Toltolan | based on Romance and Creole languages |
Opisyal na kamugtakan | |
Sa regulasyon kan | Asosia per Lingua Franca Nova (ALFN)[2] |
Mga kodigo nin tataramon | |
ISO 639-3 | lfn |
Listahan nin linguwista | lfn |
Glotologo | ling1267 |
Pwedeng igwang mga simbolong IPA phonetic sa Unicode sa pahinang ini. Hilingon an IPA chart para sa Ingles para sa lyabeng sa pagtaram basado sa Ingles. |
An gramatika kan Lingua Franca Nova inspirado kan mga kreyol na mga tataramon na Romanse. Siring kan kadaklan na mga kreyol na tataramon, an Lingua Franca Nova igwa nin urog na pinasimpleng sistemang gramatika na pasil na adalan.[5][6]