Сьцяг Даніі
дзяржаўны сьцяг / From Wikipedia, the free encyclopedia
Дзяржаўны сьцяг Даніі, званы датчанамі Данэброг (па-дацку. Dannebrog), афарбаваны ў чырвоны колер, які перасякаецца белым Скандынаўскім крыжом. Дызайн гэтага крыжа пазьней быў выкарыстаны іншымі Скандынаўскімі краінамі (Швэцыяй, Нарвэгіяй, Ісьляндыяй), а таксама Фінляндыяй (апошняя краіна ня мае адносінаў да Скандынавіі, але доўгі час знаходзілася ў складзе Швэцыі) і Фарэрамі, якія зьяўляюцца самакіравальнай часткай Даніі. Падчас існаваньня аб’яднанай Дацка-Нарвэскай дзяржавы Данэброг быў і сьцягам Нарвэгіі да 1821 году, калі Нарвэгія зацьвердзіла ўласны сьцяг. Данэброг зьяўляецца найстарэйшым сапраўдным дзяржаўным сьцягам, дакумэнтальна пацьверджаная гісторыя якога сыходзіць у XIV стагодзьдзе.