Спіс аб’ектаў Сусветнай спадчыны ЮНЕСКА ў Харватыі
спіс артыкулаў у адным з праектаў Вікімедыя / From Wikipedia, the free encyclopedia
У спісе Сусветнай спадчыны ЮНЕСКА ў Рэспубліцы Харватыя значыцца 7 найменняў (на 2014 год), што складае 0,7 % ад агульнай колькасці (1052 на 2016 год). 6 аб'ектаў уключаны ў спіс па культурных крытэрыях, прычым 2 з іх прызнаны шэдэўрамі чалавечага генія (крытэрый i), а 1 аб'ект уключаны па прыродных крытэрыях, прычым ён прызнаны прыродным феноменам выключнай прыгажосці і эстэтычнай важнасці (крытэрый vii). Акрамя гэтага, станам на 2014 год, 17 аб'ектаў на тэрыторыі Харватыі знаходзяцца сярод кандыдатаў на ўключэнне ў спіс сусветнай спадчыны[1]. Рэспубліка Харватыя, у якасці незалежнай дзяржавы, ратыфікавала Канвенцыю аб ахове сусветнай культурнай і прыроднай спадчыны 6 ліпеня 1992 года[2]. Аднак, першыя тры аб'екты, размешчаныя на тэрыторыі Харватыі, былі занесены ў спіс яшчэ ў 1979 годзе на 3-й сесіі Камітэта сусветнай спадчыны ЮНЕСКА, калі краіна з'яўлялася часткай СФРЮ.