Aljeriako Herriaren Alderdia
From Wikipedia, the free encyclopedia
Aljeriako Herriaren Alderdia (frantsesez: Parti du peuple algérien edo PPA) edo 1937ko martxoaren 11n sortu zen[1], Frantziak Etoile nord-africaine (ENA) edo Ipar-Afrikako Izarra debekatu ondoren. PPAk, Aljeriako herriaren askatasuna aldarrikatu zuen 1938an.
Aljeriako Herriaren Alderdia | |
---|---|
Datuak | |
Mota | alderdi politikoa |
Herrialdea | Aljeria |
Historia | |
Sorrera | 1937 |
Ordezkatzen du | Étoile Nord-Africaine (en) |
Frantziak alderdiko lau buruzagi atxilotu zituen 1937ko urriaren 27an, “frantsesen kontrako jarduera” egiteagatik, desegindako alderdi bat berriz sortzeagatik eta Frantziaren burujabetzari kalte egiteagatik[2]. Azaroaren 2an hasi zen haien aurkako epaiketa. Auzi hartaz baliatu ziren alderdiaren aldarrikapenak gogorarazteko, hala nola Aljeriaren askatasuna eta independentzia.
Frantziak errepresio gehiagorekin erantzun zuen. 1938ko martxoan 10 buruzagi atxilotu zituzten[3], 1939ko irailean alderdia debekatu zuten, Hitlerren Alemaniaren lagun izatea leporatuta[4], eta urriaren 4an beste 28 arduradun atxilotu zituzten.
Alderdiak klandestinitatean jarraitu zuen bere ekinbidea, eta errepresioak are gogorrago jo zuen. 1945eko maiatzaren lehenean 20.000 lagunek manifestazioa egin zuten Aljerren[5]. Ondoren, Setif-eko sarraskia gertatu zen.
1946an Messali Hadj alderdiko liderra askatu zuten.