Fandaalske Ryk
From Wikipedia, the free encyclopedia
It Fandaalske Ryk of Fandaleryk wie it eardere keninkryk fan de Fandalen yn Noard-Afrika, dat troch kening Geiserik stifte waard neidat er it gebiet op de Romeinen ferovere hie. Fan Afrika út ûnderwurpen de Fandalen Sisylje, Sardynje, Korsika en de Balearen wêrtroch dat ryk wol wat gelikenis fertoande mei it eardere ryk fan de Kartaagse Foenysjers. De Fandaalske foarsten residearren yn Kartago. Sawat in iuw lang (ein 5e en begjin 6e iuw) wienen de Fandalen in macht fan betsjutting yn it Middellânske Seegebiet.