Melbourne
From Wikipedia, the free encyclopedia
Melbourne is de haadstêd en grutste stêd fan de Australyske dielsteat Fiktoaria. Nei Sydney is Melbourne de twadgrutste stêd fan Austraalje. De Melbourne City Centre (ek bekend as it "Central Business District"; "CBD") is it middelpunt fan it gruttere metropoalgebiet. Yn juny 2009 hie it metropoalgebiet sa likernôch fjouwer miljoen ynwenners.[1]
Melbourne | ||
Polityk | ||
Lân | Austraalje | |
Dielsteat | Fiktoaria | |
Boargemaster | Robert Doyle | |
Sifers | ||
Ynwennertal | 3.371.888 (2006) | |
Oerflak | 1.705 km² | |
Befolkingsticht. | 1.978 km² | |
Stêdekloft | 4.000.000 ynwenners | |
Hichte | 31 m. boppe seenivo | |
Oar | ||
Stifting | 30 augustus 1835 | |
Tiidsône | UTC +10 | |
Simmertiid | UTC +11 | |
Koördinaten | 37° 48′ SB, 144° 57′ EL | |
Offisjele webside | ||
www.melbourne.vic.gov.au |
De stêd leit oan de noardkant fan de grutte natuerlike Port Phillip-baai, mei it stedssintrum oan de mûning fan de rivier de Yarra. It metropoalgebiet rekt him dan út nei it suden, lâns de east- en westkant fan Port Phillip en it binnenlân yn. It stedssintrum leit yn it stedsdiel City Of Melbourne, de metropoal bestiet fierders út noch 30 stedsdielen.
Melbourne waard stifte yn 1835 troch kolonisten dy’t fan Van Diemen’s Land kamen. De delsetting waard yn 1837 troch Richard Bourke nei William Lamb, 2nd Viscount Melbourne neamd. Melbourne waard offisjeel ta stêd ferklearre troch Keninginne Fiktoaria yn 1847. Yn 1851 waard it de haadstêd fan de nije koloanje Fiktoaria. En yn dat selde jier waard yn de omkriten fan Melbourne goud fûn.[2] It ynwennertal fan de stêd groeide hurd troch de komst fan nije ymmigranten. Yn 1865 wie Melbourne de grutste stêd fan Austraalje.[3] Nei de federaasje fan Austraalje yn 1901 waard Melbourne de haadstêd fan it lân. De nasjonale oerheid wie oant 1927 fêstige yn ‘e stêd.
Melbourne is it wichtichste ekonomyske, kulturele en politike sintrum fan Fiktoaria. Yn Melbourne wenje in soad ymmigranten út Sina, Grut-Brittanje, Itaalje, Kroaasje, Grikelân en Fietnam.
Neffens ûndersyk fan "The Economist" is Melbourne yn de jierren 2002, 2004, 2005, 2011 en 2012 útroppen ta de Meast Brûzjende Stêd fan de Wrâld.[4]