Mike Mignola
From Wikipedia, the free encyclopedia
Mike Mignola (folút: Michael Joseph Mignola; útspr. efternamme: [mɪ'ɳoʊlə], likernôch: "min-joo-luh; Berkeley (Kalifornje), 16 septimber 1960) is in Amerikaansk striptekener, yllustrator en omslachûntwerper. Hy waard yn 'e 1990-er jierren bekend doe't er de tige populêre striprige Hellboy kreëarre foar útjouwerij Dark Horse Comics. Dêrnjonken is er ek de betinker fan ferskate spin-offsearjes fan Hellboy, lykas B.P.R.D., Abe Sapien, Lobster Johnson en Sir Edward Grey, Witchfinder. Fierders hat Mignola noch ferskate oare stripsearjes mei in boppenatuerlik tema makke, lykas Baltimore en Joe Golem. Ek wurke er as yllustrator mei oan 'e film Bram Stoker's Dracula, en wied er belutsen by ferskate oare filmproduksjes, wêrûnder de adaptaasje fan Hellboy út 2004, it ferfolch dêrop út 2008 en de remake út 2019.
Mike Mignola | ||
persoanlike bysûnderheden | ||
echte namme | Michael Joseph Mignola | |
nasjonaliteit | Amerikaansk | |
berne | 16 septimber 1960 | |
berteplak | Berkeley (Kalifornje) | |
etnisiteit | Italjaansk | |
wurkpaad | ||
berop/amt | striptekener, yllustrator | |
aktyf as | omslachûntwerper | |
jierren aktyf | 1980 – no | |
bekendste wurk(en) | Hellboy B.P.R.D. Baltimore Joe Golem | |
prizen | 12× Eisner Award 6× Harvey Award | |
offisjele webside | ||
www.hellboy.com |